Tuir informasaun ne’ebé www.tempotimor.com, asesu husi mídia AIFAESA, sesta (22/09/2023) katak, informasaun ne'ebé SIP simu husi konsumidór na'in-2 ho reklamasaun ne'ebé lahanesan kona-ba públisidade enganoza (informasaun falsu), ba produtu Sunlight husi loja SALMI MART, katak presu ne'ebé fiksa iha produtu lahanesan sistema iha Kasir, ne'ebé empreza justifika inklui observasaun ne'ebé iha, hatudu informasaun ne'ebé lalos ba produtu tanba erru ka failansu husi traballadór ne'ebé responáavel ba taka informasaun presu nian.

Iha asaun ne'e ekipa inspetór sira halo konfirmasaun no fó karta konvokatóriu ba estabelesimentu Salmi Mart, atu aprezenta dokumentu no halo justifikasaun ba aktu irregularidade sira iha Sede AIFAESA - Matadouru.

Iha sorin seluk, konsumedór ne'ebé la satisfas no reklama kona-ba atendimentu husi na’in ba estabelesimentu Ben Teng, ne'ebé halo mós fornesimentu ba produsaun foto keramik ne'ebé la ho kualidade ka la tuir mudansa imajen orijen ne'ebé iha. (*)