Atividade inspesaun ne’ené halo husi ekipa inspesaun AIFAESA hodi kontrolu ba loja no kioske sira iha Postu Administrativu Bobonaro.

Iha biban ne’e inspetór sira deteta produtu maioria liu ona prazu iha estabelesimentu ida (1), inklui mós tabaku ilísitu sira. Aktu refere konsidera nu’udar infrasaun no AIFAESA sei prosesa tuir lei.

Inspesaun ne’ebé lidera husi Xefe Seksaun Metrolojia, Julito B.S. Gomes, halo mós kontrolu ba medida materiál konstrusaun no dasin sira. Enkuantu inspetór sira DMP identifika kioske barak mak seidauk utiliza dasin.

Nune’e ekipa DO akumula informasaun no resibu ba kompra kona-ba presu nesesidade bázika nian hanesan fós, terigu no sira seluk. Entretantu, atividade refere hetan apoiu seguransa husi Polísia Nasional Timor-Leste (PNTL) no ekipa konsege pasa revista ba produtu ai-hán sira to’o suku no aldeia ne’ebé pertense ba Postu Administrativu Bobonaro. (*)