“Tinan ne'e, Implemetasaun Uma Kbi'it La'ek (UKL) faze daruak Suku Seloi Malere hetan uma sanulu (10) ne'ebé sei implementa iha Aldeia Maurusa, Taratí no Hularema”, dehan Xéfe Suku Jacinto Ribeiro Dias hafoin partisipa lansamentu Filme Badak husi Plan Internasional Timor-Leste iha Salaun Fundasaun Oriente Bairro gos Grilhos, kuarta (11/05).
Provizoriamente, Suku Seloi Malere iha Aldeia neen (6) ne'ebé Aldeia tolu (3) hetan ona hela aldeia haat (4) maibé dadaun ne'e, aldeia tolu (3) hetan tan no hela aldeia ida (1) mak seidauk hetan.
Dadus ba benefisiáriu levanta ona ba Munisípiu hodi bele implementa uma sia (9) ba aldeia tolu (3). Tanba ne’e, kada Aldeia ida, sei hetan uma tolu (3), ne’ené iha ona prosesu sukat fatin ba konstrusaun UKL.
Iha implementasaun Orsamentu ba UKL, kada uma ida (1) sei hetan rihun $17, ba uma sia (9) hodi oferese ba komunidade sira liliu inan faluk no família kbiit la'ek sira.
Enkuantu Pilotu ba Uma Kbi'it La'ek (UKL) iha Suku Seloi Malere ne'e, hetan uma tolu (3) ne'ebé inaugura ona iha fulan-abril 2022 no benefisiáriu sira hela ona iha uma sira ne'e.
“Suku Seloi Malere, totál Uma Ka'in kuazu rihun-rua (2.000) no komunidade hamutuk rihun haat-sanulu-resin-sia (4019) ne'ebé kompostu husi Aldeia neen (6) hanesan Aldeia Malere, Hularema, Kabas-Fatin, Kota-Baúru, Marusa no Taratí”, informa nia. (*)
