“Objetivu husi asina protokolu kooperasaun mak haforsa liután asegura no direitu konsumidór sira iha utilizasaun telekomunikasaun nian protesaun konsumidór ida ne’e ita liga liuba asessu servisu telekomunikasaun nian kona-ba protesaun konsumidór ne'ebé hakerek ona iha dekretu lei Númeru 15/2012 iha artigu 48 to’o iha artigu 52”, dehan Prezidente ANC, João Olivio Freitas, iha salaun ANC, Merkadu Lama, segunda (09/05).
Tanba ko’alia kona-ba operadór sira, bainhira sira promesa komunikasaun ba públiku no iha tempu hanesan mensiona ho Direitu konsumidór sira-nian tanba sira adere ba telekomunikasaun ne'e rasik, esforsu ne’ebé mak ANC halo sai reguladora hodi eduka povu.
Maibé direitu husi Telekomunikasaun sira mak servisu informasaun sei la’o kaman bainhira sira envolve iha laran no propoin tebes atu halo sosializasaun, kooperasaun no tuir proklamasaun ruma.
“Sira-nia direitu wainhira, sira adere no komunika ona liuhusi informasaun servisu ida ne’e boot no kaman di’ak liután wainhira ita envolve iha laran. Tanba ne'e, TANE konsumidór ne’e propriu tebes halo kooperasaun ho ANC atu implementa programa halo sosializasaun, kooperasaun tuir proklamasaun ruma hodi hasoru kualidade servisu ne’ebé adere ba tékniku oinsa asessu ba informasau”, afirma nia.
Prezidente Asosiasaun TANE Konsumidor, Antonio Ramos da Silva hatete, iha área telekomunikasaun TANE kolabora ho ANC iha área sosializasaun kona-ba direitu konsumidór sira-nian liuhusi edukasaun ba konsumidór sira protokolu ne’’e mai atu netrealiza de’it atividade ne’ebé mak TANE ho ANC dezenvolve ona.
Nu'udar prinsipiu katak konsumidór sira mós iha direitu atu asessu ba informasaun ne'ebé los, tanba dalabarak iha informasaun direitu konsumidór hetan violasaun husi reguladór sira.
Hakarak mós ANC sai reguladór ba reprezentante servisu hamutuk hodi proteje mídia ofisiál sira halo advokasia ba área konsumidór enjerál inklui servisu hamutuk ho komunikasaun konsumidór iha área hothotu.
Ho akordu ne’ebé halo hanesan pasu ida atu netraliza servisu husi instituisaun rua ne'e, hodi Direitu Konsumidór sira-nian labele hetan violasaun.
Tanba ne’e sei prosesu tuir lei bainhira direitu Konsumidór sira-nia hetan violasaun, komete informasaun telekomunikasaun sira.
“Ami kontinua enkoraja konsumidór sira bele hato'o nafatin kestaun kona-ba violasaun direitu konsumidór sira-nian. Tanba TANE ho ANC sai unidade protesaun ba konsumidór ne'e, mak husi asinatura protokolu ne'e”, informa nia.
Iha atividade asina akordu ne’e hetan partisipasaun husi ekipa APORTIL, ANATL, DNIC, AACTL, MECTELCO, GLOBALNET, CEO Timor Telecom, CEO Telkomcel, General Manager Telemor, SACOMTEL, RAPH VISION, Elite Computer, Morapido Net, APURVA, CESLINK, Gardamor, METROLink. (*)
