“Durante peskiza mak TANE Konsumidor sira, sempre hasoru inflasaun presu ba produtu. Nune'e, rekomenda ba Governu atu kria indexu (índise) ba presu nasionál nian hodi atualiza informasaun presu iha merkadu sira ba konsumidór sira relasiona presu ne'ebé baratu no karun”, dehan Assesor Imprensa, Rosalino da Conçeicão Soares iha Sede Tane Konsumidor Villaverde, segundu (09/05).
Tanba liuhusi índise presu nasionál mak komunidade bele asesu ba informasaun kona-ba presu nasionál mak bele kontribui transpáransi iha merkadu sira.
“Ne'e, di’ak ba ita sira komputadór no vendór sira hodi hatene ezijénsia konsumidór sira-nian”, esplika nia.
Alende kria indise ba presu nasionál presiza mós parte estatistik no instituisaun apropriadu sira atu kontinua atualiza informasaun iha merkadu nasionál no internasionál.
“Alende kualidade no kuantidade, presu mós importante tebes ba konsumidór sira. Nune'e TANE hare'e liuba kualidade no presu entaun produtu ne'e, kualidade tuir presu. Sé la tuir mak ita sosa konsumu mak ladi’ak ba saúde mós hanesan de'it”, hatete nia.
Vontade husi emprezáriu Timoroan sira iha maibé falta investimentu no fó kreditu ba sira mak menus. Bainhira Governu halo duni investimentu ba emprezáriu sira bele hasa'e kuantidade produsaun iha sira-nia produtu. (*)
