Login to your account

Username *
Password *
Remember Me

PN Aprova Proposta Orsamentu Retifikativu Billaun $1.129 iha Jeneralidade

Membru Parlamentu Nasional halo debate no aprovasaun leiiha Plenaria. Membru Parlamentu Nasional halo debate no aprovasaun leiiha Plenaria. Foto Suplay

Tempotimor (Dili)-Parlamentu Nasionál (PN) deside hodi aprova Proposta-lei Orsamentu Retifikativu (OR) hamutuk billaun $1.129 iha faze diskusaun jeneralidade ho rezultadu votasaun afavor 36, kontra 24 no abstensaun 5.

“Proposta lei OR númeru 38/V (4a) aprovadu iha jeneralidade”, dehan Prezidente PN, Aniceto Longuinhos Guterres Lopes, hafoin anunsia rezultadu votasaun ba Proposta OR iha faze jeneralidade iha plenária, segunda (09/05).

Ho aprovasaun ne'e maja Parlamentu Nasionál sei kontinua halo diskusaun iha espesialidade durante loron rua, aban tersa 10 to'o kuarta 11 fulan-maiu.

Ba klarifikasaun despeza no ekonómiku ne'ebé Governu aprezenta liuhusi proposta orsamentu Retifikativu Billaun $1.129 mak reseita konsolidada setór públiku administrativu sa’e ba $3.234.522.481, enkuantu despez konsolidada setór públiku administrativu sa’e ba $3.233.908.681. Nune’e Reseita husi órgaun servisus administrasaun sentrál sira sa’e ba $2.987.140.197.

Iha mós despeza órgaun servisu administrasaun sentrál ne’ebé fahe tuir kategória klasifikasaun ekonómiku hanesan transférensia públika ho montante $1.837.634.189; bens no servisus ho montante $466.877.382; kapitál dezenvolvimentu $390.177.399; saláriu no vensimentu $250.537.130; no kapitál menór $41.914.097.

Alokasaun orsamentu tuir medida komplementár 13 ne'ebe prevee iha Proposta Retifikativu ho montante billaun $1,129 mak Kriasaun Fundu Kombatentes Libertasaun Nasionál ho orsamentu alokadu billaun $1, pagamentu $200 ba kada família (exeptu funsionáriu públiku sira), millaun $70 nomós Uma Kbi’it La’ek Plus, millaun $25, Bolsa Estudu ba Mellór Graduadu Estudante Ensinu Báziku no Sekundáriu, millaun $7,5.

Aleinde medida tuir mai mak Programa Mão de Obra ba Postu Administrativu, millaun $7,2, Revitaliza kafé no subsídiu ba kafé Laku-teen millaun $6,4, Pagamentu ba diferensa remunerasaun Polisia Nasional Timor-Leste (PNTL) nian ho rejime salariál foun ba membru PNTL 4.096 millaun $5,1.

Harii Sede Arte Marsiál no Rituál millaun $2,5, Programa Eskola iha Uma millaun $2,1, Internet gratuita iha eskola sira, millaun $1,1, Subsídiu akomodasaun ba PNTL no F-FDTL millaun $1,9. Estabelesimentu Sekretaria ba Asuntu Traballadór iha rai-liur no Komunidade Timoroan iha Diáspora $500 mil; Empregu ba mellór alunu universitáriu sira, $437,5 mil.

Liuhusi Proposta Orsamentu Retifikativu ne’e, Governu propoin ba Parlamentu Nasionál atu halo reforsu finanseiru ba iha títulu 'Dotasaun Ba Governu Tomak' no kria Programa Foun hanaran 'Medidas Orsamentu Komplementár.

Pozisaun Governu husu ida-ne’e atu labele bok ka muda estrutura orsamentu pur programa ne’ebé mak Governu implementa ona desde tinan kotuk. (*)

Rate this item
(0 votes)
Last modified on Tuesday, 10 May 2022 10:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter