Login to your account

Username *
Password *
Remember Me

Suku 3 iha Venilale Prontu Produz Mina Nuu

Administradór Postu Administrativu Venilale, Miguel Mendes Manso Guterres ko'alia hela ba mídia sira iha kna'ar fatin Postu Venilale, segunda (09/05). Administradór Postu Administrativu Venilale, Miguel Mendes Manso Guterres ko'alia hela ba mídia sira iha kna'ar fatin Postu Venilale, segunda (09/05). Foto Tomas Freitas

Tempotimor (Baukau)-Komunidade husi Suku Uai-Oli, Uatu-Haco no Bahamori, Postu Administrativu Venilale, Munisípiu Baukau, prontu atu produz mina nuu.

"Prontu produz mina, tanba ne'e, ha'u sei konvida liurai na'in-3, Uai-oli, Uatu-haco no Bahamori atu fó motivasaun ba nia povu, tanba ida ne'e servisu ida ba povu atu kria mós kampu traballu liuhusi produsaun mina ne'e," dehan Administradór Postu Administrativu Venilale, Miguel Mendes Manso Guterres iha kna'ar fatin Postu Venilale, segunda (09/05).

Dadaun, folin produsaun mina lokál iha merkadu timor laran folin sa'e makas, tanba kauza husi nasaun produtór sira hanesan Indonézia hapara ona exportasaun mina mai Timor-Leste.

Maibé Suku pertense ba Postu Venilale hamutuk 8, Suku balun iha prondutu nuu, tanba ne'e, Administradór Venilale hahú ona planu atu konvida Xefe Suku na'in-8 hodi halo reuniaun hodi halo produsaun ba mina.

Husu parte Governu atu fasilita mós formasaun ba joven sira iha Venilale kona-ba produsaun mina.

"Depois ami mós presiza formasaun, halo oinsá mak mina ne'e, nia produtu sai di'ak hodi benefisiu ba ita nia konsumidór sira," nia akresenta

Enkuantu Postu Administrativu Venilale kompostu husi Suku 8 hanesan, Badoho'o, Bahamori, Fatulia, Uai-oli, Uailaha, Uatu-haco, Uma Ana Icu no Uma Ana Ulu, totál populasaun hamutuk 22.569 husi xefe uma ka’in hamutuk 4.806, servisu agrikultura hamutuk 1.598. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter