Tuir inoformasaun ne’ebé www.tempotimor.com asesu husi Gabinete Primeiru Ministru katak, ekontru ne’ebé hala’o iha Rezidénsia Ofisiál Faról, kinta (21/04) Ministru Joaquim Amaral aprezenta situasaun ekonomia rai laran, programa sesta bázika no prosesu adezaun Timor-Leste nian ba Organizasaun Mundial Komérsiu.

“Ohin iha oportunidade hasoru malu ho Sua Eselénsia Primeiru-Ministru, atu atualiza serbisu sira ne’ebé durante hala’o iha Sua Eselénsia foti lisensa, material tolu ne’ebé ida mak situasaun ekonomia atuál seluk mak sesta bázika no prosesu Timor-Leste adezaun ba Organizasaun Mundiál Komérsiu”, dehan Ministru ba Jornalista sira iha iha Rezidénsia Ofisiál PM Faról, kinta (21/04).

Iha ne’e aprezenta mós kona-ba situasaun sasán ne’ebé folin sa’e, maibé aselera distribuisaun programa sesta bázika, hodi responde situasaun balun.

“Atualiza ba sua Eselénsia situasaun ekonomia atuál, sasán nia folin sa’e maibé ita sei iha situasaun ne’ebé bele tau matan, maibé kuidadu tenke aselera tempu distribuisaun sesta bázika atu nune’e komunidade no sidadaun sira ne’ebé menus ba ai-hán iha oportunidade bele asesu ba ai-hán”, hatete nian.

Nune’e mós kompozisaun sira tama iha sesta bázika se bele hola sasán sira ne’ebé produz iha rai laran atubele ajuda produtór sira hodi osan bele sírkula iha rai laran.

Aliened ne’e ba Timor-Leste nia preparasaun tuir reuniaun Organizasaun Komérsiu hanesan parte ida husi prosesu atu prepara adezaun ne’e rasik. (*)