Tempotimor (Dili)- Implementasaun programa Cesta Bazika, Grupu Haburas Mata Dalan Koperativa (HMDK) ne'ebé ezisti iha suku Makadiki, postu-administrativu Uatulari, Munisípiu Vikeke konsidera Ministru Kordenador Asuntu Ekonómiku (MKAE) falla iha komfirmasaun ba produtu lokál.

Tanba, koperativa HMDK Uatulari ninia esforsu hodi rekolla komunidade sira nia produtu lokál fos rai sei sufisiente hela, maibe MKAE deklara fali katak, produtu fos la sufisiente ona.

Afonso dos Reis nu'udár prezidenti koperativa HMDK konsidera deklarasaun MKAE, Joaquim Amaral katak, produtu menus ne'e laloos, tanba dadauk fos rai ne'ebé Uatulari iha total kuaze 700 tonelada mak governu seidauk ba rekolla.

Nia haktuir, Grupu Haburas Matan Dalan Koperativa suku makadike rasik mos agora dadauk nafatin rekolla hela fos rai husi populasaun sira, tau iha armajen koperativa makadike nian, kuaze 300 tonelada ona.

"Ami nia produtu ne'e sei barak liu, Koperativa haburas matan dalan ne'e kuaze ami numeru tonelada ne'e ami hetan ona total 400 tonelada no sei hatama tan, ne'ebe ami kontinua enkamiña ba sesta bazika ne'e para to'o hotu,"dehan nia ba www.tempotimor.com liu-husi via telefone tersa (16/2).

Nia haktuir, mezmu prezensa Koperativa Makadike ejiste la'os hanesan kompañia, maibe hanesan nafatin esforsu rekolla fos rai husi komunidade.

"Agora fos sira ne'ebé hatama mai ne'e hada hela iha ami nia armajen, ne'ebé hanesan ministru ohin hatete katak, se kompañia hatama relatroiu ruma katak, se produtu lokal ne'e menus, hakarak atu ba kontratu fali ho (Ministériu Turizmu Komersiu Indusdustria) MTCI, maibe ami nia produtu iha ne'e sei barak,"dehan nia.

Nune'e, parte sira husu ministru presiza ba identifika produtu sira iha suku makadiki, tanba produtu sira iha ne'eba kuaze 700 tonelada mak seidauk rekolla husi populasaun.

Baihira governu la utiliza produtu fos rai ne'ebé sira prepara ba programa Cesta Bazika mak sei estraga de'it.

"Hau preokupa, kuandu governu ba taka derepente de'it maka ami nia produtu lokál ne'ebé agora dadauk preparadu ba Cesta Bazika keta la ba, ida ne'e problema ida mai ami autoridade lokál,"nia preokupa.

Tanba ne'e, husu ba Ministériu Kordenador Asuntu Ekonomiku (MKAE) presiza ba halo konfirmasaun ho parte koperativa sira oinsa mak toma atensaun ba sira nia produtu lokál.

"Karik produtu lokal sira seluk mak hotu, maibe uatulari nia produtu lokál sei barak para atu fornese ba Cesta Bazika,"dehan nia

Durante ne'e, Koperativa makadiki oferese ona fos rai ba kompañia Jacinto Lda ho total 400 tonelada, inklui enkamina mos ba Centru Logistika Nasional (CLN) ho total tonelada 100-resin.

Antes ne'e, Ministru Kordenador Asuntu Ekonomiku (MKAE), Joaquim Amaral deklra, produtu lokál fos rai la sufisiente ona, nune'e utiliza mos fos importasaun hodi distribui ba komunidade sira liu-husi programa Cesta Bazika. (*)

Tempotimor (Dili)- Ministru Koordenador Asuntu Ekonomika (MKAE) Joaquim Amaral husu ba komunidade hotu labele alerjia ho sasan ne'ebé importa husi rai liur, tanba ne’e lori mai atu rekopera ekonomia iha Timor-Leste.

Tempotimor (Díli)- Ministru Koordenadór Asuntu Ekonómiku (MKAE), Joaquim Amaral hateten, governu iha vizaun klaru kona-ba planu rekoperasaun ekonómiku, ne’ebé hetan apoiu husi setór privadu sira, ne’ebé lansa no implementa programa lubuk ida.

Tempotimor (Dili) - Ministériu Koordenador Asuntu Ekonomia (MKAE) preve orsamentu ba ministériu ne’e iha Orsamentu Jerál Estadu (OJE) tinan fiskál 2021, hamutuk millaun $2 resin hodi koko kapasidade organizasaun.

Tempotimor (Dili) - Ministru Koordenadór Asuntu Ekonómiku (MKAE), Joaquim Amaral husu atu sidadaun hotu koopera no komprende bainhira implementasaun programa Sesta Bázika lá to'o montante $25 kada sidadaun.

Tempotimor (Dili) - Eis Ministru Koordenador Asuntu Ekonomiku (MKAE) iha V guvernu konstitusional, Estanislau Aleixo da Silva hataan iha Tribunal tanba antes ne’e ezonera Prezidenti Agensia Espesialijada Investimentu (AEI), Felisberto Araújo Duarte.

Tempotimor (Dili)-Ministru Koordenadór ba Asuntu Ekonomia (MKAE) Joaquim Amaral informa, iha semana oin sei halo lansamentu ba programa sesta bázika ne'ebé governu trasa ona.

Tempotimor (Díli)- Durante Timor-Leste enfrenta situasaun pandemia Covid-19, halo situasaun ekonomia iha rai laran, la funsiona no rendimentu ekonomia povu nian, tun makaas.

Tempotimor (Dili)-Governu liuhusi polítika rekuperasaun ekonomia ne’ebé trasa husi Ministériu Koordenadór Asuntu Ekonomia (MKAE) ho Ministériu Solidariedade Sosiál no Inkluzaun (MSSI) sei fahe hahán ba ema hotu-hotu durante fulan-Novembru no Dezembru.

Tempotimor (Dili) - Governu liuhusi Konsellu Ministru aprova ona projetu dekretu lei ida atu fo garante kreditu ba empreza sira ho 60% atu rekoupera fali ekonomia, ne'ebe durante situasaun surtu Coronavirus Disease 2019 (Covid-19) la'o halo rendimentu tun.

Page 1 of 3

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks