Tuir informasaun ne’ebé www.tempotimor.com asesu husi pájina AIFAESA, sesta (22/04) katak, atividade regulár husi ekipa inspetór brigada turístika ne'ebé hala'o iha Postu Administrativa Na'in-Feto no Kristu Rei rezulta konvokatóriu tolu (3) ba Restaurante ida (1) seluk ba Bar no prosesa ótel ida (1).

Ba konvokatóriu ne'ebé produz iha atividade kontrolu ne'e, tanba operadór ekonómika sira la aprezenta lisensa autórizasaun komersiál ba inspetór sira iha sira-nia lokál negósiu nian, nune'e husi konvokatóriu ne'e bolu ba na’in husi estabelesimentu sira atu aprezenta dokumentu sira iha sede AIFAESA - Matadoru hodi komprova ba sira-nia atividade komersiál.

Husi kontrolu ne’ebé ekipa sira halo ba restaurant Bar no Ótel hirak ne'e, ekipa intensifika verifikasaun ba data validade hosi produtu ai-hán sira, bebida, kondisaun ijieni iha restaurante laran hanesan fatin rai ai-hán tasak no matak, inklui autorizasaun komesiál legalizadu.

Alende ne'e mós tékniku sira bolu atensaun nafatin ba operdór ekonómika sira atu kontrolu nafatin sira-nia kondisaun estabelesimentu nune'e mós ba kondisaun no data validade produtu ai-hán sira. (*)