Tempotimor (Dili)-Komisaun A ne'ebé trata asuntu Justisa no Konstituisionál iha Parlamentu Nasionál (PN) deside fó prioridade ba diskusaun pakote lei eleisaun prezidénsial ho parte Governu no orgaun eleitorál sira.

Tempotimor (Dili)-Parlamentu Nasionál (PN) kontra atetude membru Polísia Nasionál Timor-Leste (PNTL) ne'ebé uza arma estadu hodi proteze fali sira-nia família.

Tempotimor (PN)-Parlamentu Nasionál (PN) deside sei hala'o debate ho governu, tanba hakarak hatene estratèjia governu atu halo prevensaun ba covid-19 iha Timor-Leste.

Tempotimor (Dili)-Deputadu bankada CNRT iha Parlamentu Nasionál (PN), Arão Noe de Jesus Amaral hatete, sira sei dúvida ho desizaun governu hodi deklara sidadaun ne’ebé simu Ona vasina dala-2 livre halo movimentu.

Tempotimor (Dili)-Diretór Ezekutivu Forum Organizasaun Naun Govermentál Timor-Leste (FONGTIL), Daniel dos Santos, konsidera deputadu balun seidauk koñese didi’ak no hatene papél sosiédade sivíl nian tanba la simu krítika hasoru servisu Parlamentu Nasionál (PN).

"Ha’u hanoin membru PN ida hatete sosiedade sivíl halo kritika de'it la fó solusaun ne'e, membru PN ne’ebé nunka hatene no koiñese saida mak papel sosiedade sivíl. Sosiedade sivil ne'e ninia papel ida mak kontrolu, atu garante balansu efetividade, entaun dalaruma sira hakarak atu soe kritika dehan sosiedade la hala'o buat ruma maibé sira la haree, sira naran ko’alia de'it ne'e, ne'e ema hotu bele ko’alia”, dehan Daniel ba www.tempotimor.com ina kna’ar fatin Kaikoli, kinta (2/6).

Tuir lolos, kapasidade nu’udar deputadu laiha dalan atu kestiona fali servisu sosiedade sivíl nian, maibé se deputadu mak kestiona siknifija nia la dun intende saida mak papel sosiendade sivíl.

"Agora ita-boot parlamentu ne'e povu selu atu halo saida, selu atu halo fiskalizasaun, mais la halo ida ne'e ho di'ak”, kestiona nia.

Durante ne'e FONGTIL mós haree katak durante ne'e deputadu sirs nunka mosu hodi hala'o fiskalizasaun iha suku, liliu iha Dili laran de'it bairo-bairo mós la halo.

"Tur iha Parlamentu depois plenária, lahatene informasaun sira ko’alia iha plenária ne'e ba rona iha ne’ebé, no hetan husi ne’ebé, naran ko’alia de'it”,nia kritika.

Antes ne'e Deputadu Bankada PLP, Francisco de Vasconcelhos hatete, durante Estadu Emerjénsia no Konfinamentu Obrigatóriu, Parlamentu Nasionál hamenus atividade fiskalizasaun nudar opsaun hodi fó ezemplu ba povu.

Ho ida ne'e, deputadu PLP ne'e dúvida oituan ho deklarasaun sosiedade sivíl nian tanba ko’alia de'it no la intende preokupasaun PN nian.

"Ne’ebé ONG Forum, reprezenta ema nain-rua ka tolu iha ne'eba mak ko’alia barak la halimar, sira mós atividade saida kantor sira-nia mós laiha tan, la’o tun la’o sa’e de'it naran komentáriu arbiru, ne’ebé ko’alia ne’e sira mak la intende tiha fali”, hatete nia iha PN. (*)

Tempotimor (Dili)-Bankada Congresso Nacional de Reconstrução de Timorense (CNRT) iha Parlamentu Nasionál (PN) defende Prezidente Partidu CNRT, Kay Rala Xanana Gusmão ne’ebé halibur komunidade sira hodi kontra deklarasaun Prezidente Repúblika (PR), Francisco Guteres ‘Lú Olo’ ne'ebe dehan figura públika balun la hadomi povu.

Xefe bankada CNRT, Duarte Nunes hatete, tuir lolos Prezidente Repúblika tenke tetu molok hasai deklarasaun hatete Xanana.

Tanba, atu hadomi povu ne'e, Xanana uza nia karakter rasik no la'ós tur de'it mak hatete dehan hadomi povu.

“Seraké ida ne'e la'ós ema ida que hadomi, ka tenke tur de'it iha uma, hanoin dehan oh ha'u hadomi povu, mais povu susar hela, ida ne'ebé mak los. Prezidente tetu ba, labele hatete at ema (Xanana)”, deklara nia iha PN, tersa (01/06)

Pozisaun CNRT mós nota entre prezidente repúblika ho Xanana ne'e, sira iha presepsaun no karater rasik.

"Bom, buat ida hadomi povu ne'e, relativu ne'e, iha kaca mata, prezidente nia ne'e hadomi povu ne'e hanusa, agora maun Xanana nia ne'e hadomi povu ne'e hanusa, ida-idak nia presepsaun ninian”, afirma nia.

Nia dehan, "Sé ha’u ba fatin ida ema haklalak mai kaer liman ho ha’u, seráke ida ne'e la'ós ema ida ke hadomi, ka tenke tur de'it iha uma, hanoin dehan, oh hau hadomi povu, hadomi povu, mos povu susar hela, ida ne'ebe mak los”.

Tanba ne’e, Prezidente Repúblika tetu no labele hatete at ema, mais hanesan ema hatete bainhira hatudu liman fuan 1 ba ema, liafuan haat sei filafali ba na’in.

Antes ne'e, Prezidente Repúblika (PR), Francisco Guterres 'Lú Olo', liuhosi nia mensajen ba Parlamentu Nasionál (PN) kona-ba estensaun estadu emerjénsia ba dala-14, aproveita 'soe' lia mós ba Figura Públika (FP) balun tanba la obedese ba regra governu nian liliu iha kombate Covid-19.

Tanba, figura públika ho responsabilidade labele hatete, sira hadomi povu no preokupa ho moris-di’ak no saúde povu nian, maibé la kumpri fali regra bázika sira ba protesaun hanesan distansiamentu sosiál no uza máskara ka la respeita konfinamentu domisiliáriu, ho motivu ne’ebé de’it ka ho hanoin ba sira-nia aan de’it.

“Halibur ho populasaun iha fatin públiku lahó máskara no lahó distansiamentu sosiál sei la kontribui atu hapara vírus corona,  maibé sei loke dalan ba vírus aat ne’e hada’et liután husi ema ba ema”, dehan PR Lú Olo, liuhosi nia mensajen ba PN, domingu (30/05). (*)

Tempotimor (Dili)-Bankada Frente Revolusionáriu Timor-Leste no Independente (FRETILIN) iha Parlamentu Nasionál (PN) soe lia ba asaun Prezidente Partidu CNRT, Xanana Gusmão, ne’ebé halibur komunidade sira durante ne'e kontra regra prevensaun Covid-19 iha Timor-Leste.

Tempotimor (Dili)-Deputadu 21 husi Bankada Congresso Nacionál de Reconstrução de Timorense (CNRT) iha Parlamentu Nasionál (PN) deside hodi foti desizaun neutru ba estensaun estadu emerjénsia (EE) dala-14 Iha Timor-Leste.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO) iha Parlamentu Nasionál (PN), António Verdial, ejize governu atu buka dalan ba prosesu aprendizajen iha eskola, tanba estudante barak durante ne’e la tuir aula.

Tempotimor (Dili)-Parlamentu Nasional (PN) iha kinta (27/05) deside aprova votu pezar ba Saudozu Eduardo de Deus Barreto “Dusae” no Saudoza Merita Alves "Bi-Ki'ak" ne'ebé remata ona sira-nia perigrinasaun iha mundu.