Tempotimor (Dili)-Parlamentu Nasionál (PN) deside fó autorizasaun ba deputadu sira bankada CNRT, Adérito Hugo da Costa, atubele ba presta deklarasaun iha Tribunál Distritál Dili (TDD), tanba deskonfia liga ahi eletrisidade ilegál.

Votu autorizasun ne'e, Parlamentu Nasionál aprova liuhusi eleisaun eskrutíniu sekretu ne’ebé mak hala'o iha plenária loron segunda (03/05) ho votu afavór 49, kontra 0 no abstensaun 3, nune'e fó posibilidade ba Deputadu Adérito Hugo da Costa atu ba hatan iha Tribunal iha loron 10 fulan-maiu tinan 2021.

“Rezolusaun suspensaun mandatu ba señor Deputadu Adérito Hugo da Costa ba efeitu prosegimentu prosesu judisiál konfirmadu”, informa Prezidente Parlamentu Nasionál, Aniceto Longuinhos Guterres Lopes, iha plenária, segunda (03/05).

Pozisaun PN deside halo supensaun ba funsaun mandatu deputadu Aderito tanba hakarak koopera ho justisa, nune’e prosesu bele la’o ho lalais depende ba tribunál.

“Ohin, ita aprova votu konfirmasaun maibé iha loron 10 fulan-maiu julgamentu la’o ka lae, se la konsege julgamentu, ne’e problema tribunál nian”, hatete nia.

Iha fatin hanesan Deputadu Adérito Hugo da Costa, haktuir ajenda ne’e kleur ona no desizaun parlamentu nian halo tiha ona, maibé agora nia prontu koopera ho tribunál nune’e prosesu ne’e avansa bá oin.

“Ha’u husu atu autoriza hodi aselera prosesu ne’e, tanba ha’u mós lakohi atu prosesu ne’e pendente ho situasaun ida hanesan ne’e. Ha’u ejize atu prosesu ne’e la’o lalais. Ba ha’u iha loron 10 fulan-maiu ne’e bele realiza ona julgamentu, lalais liu di’ak liu”, afirma nia. (*)

Tempotimor (Dili)- Deputadu Bankada Congresso Nacionál de Reconstrução de Timorense (CNRT), Arão Noe de Jesus Amaral rejeita informasaun ne’ebé espalla iha mídia sosiak katak, deputadu CNRT 21 simu vasina AstraZeneca ne'e laloos (Falsu).

"Deklarasaun dehan deputadu CNRT simu hotu ne'e ami hakarak dehan katak informasaun ne'e falsu”, dehan nia ba www.tempotimor.com iha Parlamentu Nasionál (PN), kinta (29/04).

Tanba, vasina AstraZeneca ne'e la'ós obrigatóriu, maibé depende ba ema idaidak nia setimentu atu simu vasina ka la simu.

Maibé, pozisaun husi bankada CNRT to'o agora sei mantein seidauk bele tuir vasina, tanba CNRT kaer ba deklarasaun governu nain, ne’ebé hatete atu fó prioridade uluk ba ema sira iha lina frente, no katuas-ferik inklui sidadaun ne’ebé mak hela iha fronteira.

Aleinde, CNRT problema ida seluk mak tuir analizasaun ne’ebé iha mundu, nasaun tolu ne’ebé hapara tiha vasina AstraZeneca, no nasaun barak la oferese de'it ba ema ho idade boot.

"Hanesan iha portugal 60 anos ba leten mak bele simu vasina AstraZeneca, Austrália ne’ebé fó ajuda vasina mai ita Timor, mós sira hasa'e tiha 30 (idade) ba leten mak bele simu vasina, e 29 (idade) mai kraik labele simu”, hatete nia.

Tanba ne'e, pozisaun CNRT hakarak governu presiza konsidera preokupasaun ida ne'e.

"Ita-nia Timor fó kedan komesa 18 (idade) ba leten simu hotu, análiza sira iha mundu ne'e vale ka lae, ida ne'e ita presiza iha konsiderasaun”, afirma nia. (*)

Tempotimor (Dili)-Deputadu Bankada KHUNTO iha Parlamentu Nasional (PN), Luís Roberto, ezije governu atu responsabiliza estudante sira ne’ebé hamlaha iha kapitál Dili.

Maske, Governu halo esforsu oioin hodi husu Parlamentu Nasional autoriza Prezidente Repúblika (PR), Francisco Guteres "Lú Olo" dekreta Estadu Emerjénsia (EE) ba dala 12, inklui sekra sanitária no konfinamentu domesiliáriu obrigatóriu, hodi kombate propagasun surtu covid-19.

Governu kria ekanizmu oioin, sidadaun hotu kolabora no koopera, atubele prevene moras Covid-19, maibé medida prevensaun ninia atendimentu falla.

“Ha’u dehan falla, tanba maluk sira iha Baukau iha ema na’in-55 tan de'it hamlaha, sira la'o husi Díli tama to'o Baukau, ha’u iha evidénsia no relatóriu. Ne'ebé husu ita-hotu nia responsabilidade, liuliu governu”, afirm nia iha Parlamentu Nasionál (PN) kuarta (28/04).

Governu iha kbi’it atu responde emerjénsia ida ho urjente ba populasaun no estudante sira iha situasun ne'e. Enkuantu deputadu no entidade sira mós fó apoiu maibé ida ne'e apoiu ne’ebé naton hela.

"Ha’u agradese ba ita-nia deputadu partidu polítiku balun, no entidade hotu ne’ebé mak kontribui antes ona ba ita-nia maluk estudante sira inklui komunidade. Husu ajuda ba ita mai ita mós ajuda tuir kbi’it ne’ebé ita iha, kbi’it ne’ebé atu forsa liu mak estadu no governu”, hatete nia.

Ba kestaun ne'e Vise Pimeiru Ministru (VPM), Jose Reis hatete, governu rekoñese iha implementasaun medida estadu emerjénsia durante ne'e mosu fallansu barak, ne’ebé sita mós iha relatóriu Sentru Intergradu Jestaun Krize (SIJK).

Tanba ne'e nia espera ho lamentasaun no krítiku sira ne’ebé mak levanta husi deputadu, governu esforsu liután oinsá mak bele hadi’a kestaun ne'e. (*)

Tempotimor (Dili)-Xefe Bankada Kmanek Haburas Unidade Nacional Timor Oan (KHUNTO), Deputafa Olinda Guteres husu ba deputadu CNRT atu evita dliafuan defaktu ba membru governu sira tanba situasaun polítika bele obriga hamutuk fali.

Tempotimor (Dili)- Parlamentu Nasionál (PN) aprova ona pedidu renovasaun Estadu Emerjénsia (EE) ba dala-sanulu ho votus unanimidade, afavor 50, nune'e bankada Klibur Haburas Unidade Nasional Timor Oan (KHUNTO) ejizi governu atu aselera programa sesta bazika ne'ebe fahe hahan ba povu.

Tempotimor (Dili)-Bankada Congresso Nacional Reconstrução de Timorense (CNRT) iha Parlamentu Nasional (PN) aseita total desizaun governu hodi halo alterasaun ba programa sesta bázika.

Tempotimor (Dili)- Prezidente Cámara Comércio no Indústria Timor-Leste (CCI-TL) Oscar Lima husu Parlamentu Nasionál (PN) labele xumba Orsamentu Jerál Estadu (OJE) tinan fiskál 2021 nian.