Hafoin halo kontajen votu, Prezidente Parlamentu Nasional (PN), Aniceto Guteres deklara, rezultadu votusasaun afavor 54, no deputadu 11 aujente.
"Votu pezar ba saudozu Dusae no saudoza Bi m-Ki'ak, aprovadu ho rezultadu afavor 54 kontra no abstensaun laiha”, hatete Aniceto iha plenária Estraordinariu iha PN, kinta (27/05).
Matebian Eduardo de Deus Barreto “Dusae” moris iha iha loron 14 fulan-Agostu 1951, iha tempu kolonizasaun portugués nian, husi aldeia Aiceo, Suku Raimerhei, Munisípiu Ermera.
Matebia Dusae husik hela nia ferik-oan, Liberata, ho oan na’in-sia (9) no bei-oan inklui família, amigu no parente sira hotu, tanba hetan atake ho moras kardíaku (jantung) iha nia rejidénsia Gleno.
Entretantu, Eis Deputada Merita Alves "Buibere Bi-Kiak", moris iha Postu Administrativu Hatolia, Munisípiu Ermera, iha loron 15 fulan-agostu 1956, oan dahuluk husi aman Herminio Marques Alves no inan Guilhermina de Jesus Alves.
Saudoza Merita Alves deside kaben ho Octávio Jordão de Araújo iha oan na’in-haat, Octávio Almeirindo Alves Jordão de Araújo, Maria do Céu Alves de Araújo (falecida) no Ivo César Alves Jordão de Araújo no Vera Laura de Assuncao Alves de Araújo.
Enkuantu deputadu husi bankada FRETILIN, CNRT, PLP, KHUNTO, PD, UDT, FM, mós deside hato'o sira-nia sentidu profunda kondolensia ba matebian na’in-rua ne'ebé uluk halo dedikasaun luta libertasaun Timor-Leste nian. (*)