Login to your account

Username *
Password *
Remember Me

CNRT Dúvida Sidadaun Simu Vasina Dala-2 Livre Movimentu, UDT Konkorda

Vasina AstraZenecas. Vasina AstraZenecas.

Tempotimor (Dili)-Deputadu bankada CNRT iha Parlamentu Nasionál (PN), Arão Noe de Jesus Amaral hatete, sira sei dúvida ho desizaun governu hodi deklara sidadaun ne’ebé simu Ona vasina dala-2 livre halo movimentu.

Tanba, CNRT akompaña no análiza informasaun sira iha mundu katak, vasina dala-rua ne'e la'ós 100% atu garante ema nia imunidade hasoru covid-19.

"Ha’u hanoin sira barak que vasina tiha ona mós kona hela, e ita akompañ notísia sira iha mundu, ne'ebé sira balun vasina dala-rua tiha ona mós moras ne'e sei kona, e sira mós bele transmite moras ne'e ba ema seluk, ida ne'e mak ami dúvida hela pensamentu”, deklara Arão iha PN, sesta (04/06).

Ho ida ne’e, husu ba sidadaun tomak bele simu vasina dala rua, maibé tenke mantein, uza máskara, fase liman, distánsiamentu sosial.

Maibé, Deputadu Bankada Uniaun Demokrátiku Timorense (UDT), Francisco David deklara, nia parte konkorda totál desizaun polítika governu nian hodi fó biban ba sidadaun wainhira simu vasina kompletu ba dala-rua sei livre movimentu ba ne'ebé de'it.

"Sim ha’u mós konkorda ida ne'e, dehan katak simu vasina dala-rua bele sirkula ona. Opsaun di'ak ida, karik simu dala-rua bele sirkula avontade ba ida-idak nia fatin”, hatete nia ba www.tempotimor.com iha PN, sesta (04/06).

Deputadu UDT nota sidadaun barak simu vasina dala-ida de'it bele sirkula livre, maske govenu deside serka sanitária. (*)

Rate this item
(0 votes)
Last modified on Friday, 04 June 2021 18:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter