Tempotimor (Díli) - Timor-Leste MeteoClima (TLMC) fó sai tuir modelou meteorolojiku ne’ebé iha katak udan ne’ebé tun maka’as iha loron domingu (04/04) sei kontinua to’o loron aban, segunda (05/04).

Tempotimor (Díli) - Udan boot iha Kapitál Dili hahú husi loron sábadu to’o domingu (03-04/04) konsege hamosu inundasaun iha Kapitál Dili hamate kuaze ema na’in-neen inklui Membru Batallaun Orden Publiku (BOP), tanba bee mota ne’ebé lori.

Tempotimor (Dili) - Udan-boot ne’ebé akontese iha Kapitál Dili, komesa iha loron sábadu to'o domingu (03 to’o 04/04), fó ameasa maka’as hodi harahun Ponte Terminal bekora, Suku Camea, Postu Administrativu Cristo Rei, Munisípiu Dili.

Tempotimor (Dili) - Relasiona ho Udan Boot ne'ebé akontese la para komesa iha loron sábadu 3 to'o domingu 4 fulan-abril, konsege lori inundasaun ba 'hoban' uma komunidade sira iha parte klak Fuik no uma ida ida iha área Prizaun Bekora nian, aldeia has laran suku Camea Postu Administrativu Cristo-Rei Munisípiu Dili.

Tempotimor (Dili) - Koordenadór Sentru Integradu Jestaun Krize, Sala Situasaun (SIJK-SS), Rui Maria de Araújo, deklara Ministeru Saúde (MS) hahú rejistu timoroan hamutuk 51 rekooperadu husi moras Covid-19 ne’ebé durante ne’e númeru sa’e maka’as.

Tempotimor (Dili) - Sekretáriu Jerál (Sekjer) Partidu Frente Revolusionáriu Timor Leste Independente (FRETILIN), Mari Alkatiri husu ba povu, estudante no foinsa'e sira atu labele monu ba polítika dezesperadu sira ne'ebé oras ne'e halo husi ema balun.

“Nu'udar Sekretáriu Jerál FRETILIN nian ha'u halo apelu maka'as ba povu tomak, liu-liu ba foinsa'e no estudantes sira, atu labele monu ba ema-nia prátika no polítika dezesperu husi setór vida poltika-partidária nasaun nian, ne’ebé koko ho maneira oioin atu buka manan fali espasu no tempu ne’ebé lakon ona, ho lia bosok no manipulasaun oioin, maibé hatene hela katak laloos, no karik hakarak mós, hari'i kondisaun atu provoka tan krize jerál iha rai laran”, dehan Alkatiri iha ninia pájina facebook, sábadu (3/4).

Maske ema hotu hatete FRETILIN viabiliza governu, iha tempu badak hela, no hatudu ona katak, sidadaun nu'udar sentru atensaun, liliu populasaun ne’ebé ki'ak no mukit liu.

“Nune’e, kria apoiu sira ba povu ne’ebé nesesitadu, hahú fó osan montante balu nu'udar esperiénsia dahuluk atu halo mitigasaun ba efeitu husi pandemia Covid-19 nian. Tanba haree katak apoiu ida ne’e ladun efisiente no ladun efikas, mak hili fali, no hahú ona ho opsaun Sesta Bazika ne’ebé, to’o ohin loron, benefisia diretu ona sidadaun millaun ida resin no ho efeitu multiplikador, benefisia sidadaun rihun-sanulu-resin iha nasaun tomak”, dehan Alkatiri.

Husi polítika governu nian ne'ebé benefísia direta ba povu mak, setór politiku-partidáriu balun halo buat hotu atu koko dezakredita governu ne’ebé viabiliaza husu FRETILIN, tanba hatene katak fatin no tempu residual ne’ebé sira sei iha komesa menus tan de’it no ho lais.

"Sira hahú ho kestiona lejitimidade governu ne’ebé FRETILIN viabiliza. Sira sai vítima ba sira-nia propaganda rasik. Sira avansa atu konvense povu tomak katak Banku Amerikanu” sei la transfere osan ba BCTL atu finansia OJE 2021. Tanba loloos konsegue prova lis bosok husi propaganda ida ne’e, sira agora avansa kontra VIII Governu ne’ebé viabiliza husi FRETILIN, nia estretejia kombate hasoru Covid-19”, dehan nia.

Mari mós husu dala ida tan ba povu, estudante no foinsa'e sira katak, dadaun ne'e opozisaun sira uza dezinformasaun ka hoax (lia falsu), aproveita ema nia emosaun, koko desvia foinsa'e sira no estudante sira husi sira-nia valor aas liu, mak jenerozidade atu komprende prosesu tomak no sentidu sakrifisiu ne’ebé hatudu durante luta. (*)

Tempotimor (Díli) - Governu Timor-Leste (TL) deside ona hodi selu propina ba estudante sira ne’ebé kontinua hela iha Universitáriu sira.

Tempotimor (Dili) - Polísia Nasional Timor-Leste (PNTL), liuhusi komandu Munisípiu Dili, kaptura sidadaun sira hamutuk ema na'in-110 iha postu seguransa Fatuahi, tanba kontra regra Serka Sanitária no konfinamentu domisiliáriu.

Tempotimor (Dili) - Sekretáriu Jerál Partidu Fretilin Mari Alkatiri propoin ba governu atu loke dalan ba komunidade sira bele fila ba ida-ida nian munisípiu.

Tempotimor (Díli) - Joven sira hamutuk ema na’in-sia (9) iha loron sesta (02/04) halai ilega husi Munisípiu Dili tama iha Munisípiu Bobonaro.