Login to your account

Username *
Password *
Remember Me

Timoroan 51 Rekooperadu Husi Moras Covid-19

Koordenadór Sentru Integradu Jestaun Krize, Sala Situasaun (SIJK-SS), Rui Maria de Araújo Koordenadór Sentru Integradu Jestaun Krize, Sala Situasaun (SIJK-SS), Rui Maria de Araújo Foto Tempo Timor

Tempotimor (Dili) - Koordenadór Sentru Integradu Jestaun Krize, Sala Situasaun (SIJK-SS), Rui Maria de Araújo, deklara Ministeru Saúde (MS) hahú rejistu timoroan hamutuk 51 rekooperadu husi moras Covid-19 ne’ebé durante ne’e númeru sa’e maka’as.

"Ohin kazu foun 37, kazu rekuperadu 51, totál kazu ativu 447, husi totál kazu foun ohin iha mane 25, feto 12, ema sintomátiku na'in-4 no ema asintomátiku na'in-33”, dehan Rui liuhusi komunikandu imprensa, sábadu (03/04).

Tuir dadus ne’ebé loron hodi Centro Integrado Gestão de Crises, Sala Situação (CIGC-SS) fó sai iha loron 3 fulan-abril 2021 kayak, evolusaun surtu covid-19 iha munisípiu Dili iha kazu foun 36. Nune'e pozetivu iha Dili husi loron 7 fulan-marsu tinan 2021, to'o loron 03 fulano-marsu tinan 2021 hamutuk hotu 563.

"Ho nune’e, iha Munisípiu Dili, iha cluster foun 5, cluster 1 deklara, ohin mosu fali no total iha cluster 56 mak sei nafatin hatudu atividade hada’et-tutan virus SARS-CoV-2, husi ema ida ba ema seluk, liliu iha Suku Madohi, Bebobuk, Fatuhada, Comoro, Bairro Pité, Vila Verde, Motael, Kulu-Hun, Lahane Oriental, Becora”, dehan nia.

Evolusaun surtu covid-19 iha munisípiu Covalima ohin deteta kazu pozitivu ida ne'ebé halo viajen husi Dili iha loron (02/04) tinan 2021 no iha Dili hela iha Fatuhada.

“Husi horiseik mai ohin hamutuk Laboratóriu Nasional Saúde (LNS) halo 217 testes PCR, inklui 10 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili”, afirma nia.

Nune'e totál pedidu autorizasaun esepsionál atu sai husi serka sanitária iha Munisípiu Dili, loron 2 fulan-abril, hamutuk hotu 53. Sekretariadu CIGC responde hotu kedas, no aprova 40 pedidu ne’ebé prienxe kritéria tuir Resolusaun Governu.

Husi loron 1 to’o 3 fulan-abril tinan 2021, hamutuk hotu iha ema 1,137 mak sai husi serka sanitária Munisípiu Dili. Husi totál ne’e 476 (41,8%) de’it mak hetan autorizasaun esepsional husi CIGC-SS. Maioria, 58,2% mak halai sai, sem iha autorizasaun husi CIGC-SS.

Munisípiu sira ne’ebé ema barak-liu sai husi serka sanitária Ministru Dili sem iha autorizasaun esepsionál maka: Ermera (528), Aileu (48), Vikeke (29), Ainaro (17), Manufahi (14), Likisá (12), Bobonaro (9). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter