Desizaun ne’e foti tanba aplikasaun ba serka sanitária no konfinamenru domisiliáriu ne’ebé bandu sidadaun hotu atu sirkula ba Munisípiu sira hodi bele foti hahán no osan selu alojamentu.
Haree ba estudante sira ne’ebé ejize ba Governu atu loke dalan ba sira atu halo movimentu ba Munisípiu, tanba laiha hahán no osan seluk alojamentu.
Ministru Prezidensia Konsellu Ministru,Fidelis Leite Magalhães hatete, husu atu estudante tenke evita lori moras ba inan aman sira iha foho, tanba joven sira iha sistema imune forte, maibé inan-aman sira lae.
“Kona ba moris iha Dili laran, Governu fó hela apoia aí-han liuhusi universidade sira no sei fó apoio selu propinas no apoio ba ensino online. Loron rua ka tolu tan sei debate iha PN hodi finaliza”, deklara Fidélis iha loron sábadu (03/04).
Tanba ne’e, Governu, Ministériu no instituisaun relevante, mós prepara hela solusaun ba estudante sira ne’ebé iha hela Dili no halo koordenasaun ho universidade.
Ministru Prezidensia KM esplika, Governu prepara ona medida sira, apoiu ba empregu (apoio sira ne’ebé lakon servisu no atu empresa la hapara traballadór), moratória kréditu nian, izensaun propinas,
akizisaun alimentu, apoiu ba profisionál liña oin sira no medida prevensaun no mitigasaun COVID-19. (*)