“Husi Timor Aid ne'e ami hanoin buat ne'e kleur ona atu pelu menus iha galeria ida ka uma Tais ida hodi halo Expozisaun Permanente iha muzeu ne'e hodi nune'e mós sai fatin ida ne'ebé lori hodi halo prezervasaun ba taís”, dehan nia iha Salaun Timor Plaza, Komoro, sesta (10/02).

Tanba dadaun ne'e, Timor Aid halo prezervasaun liuhusi peskiza, depois halo dokumentasaun nomós promosaun ba Taís Timor ne’ebé rejista ona sai ptrimónia Timor-Leste iha UNESCO.

Bainhira iha ona espasu permanente sira, ema husi munisípiu sira mós bele mai iha muzeu ne'e fahe sira-nia matenek.

Iha parte seluk doadores apoiu orsamentu ba Estadu Timor-Leste maibé seidauk kria muzeu durante ne’e, Governu rasik seidauk deside hodi oferese rai ba kontrusaun.

“Nia problema to'o agora ema doador fó osan maibé rai Governu tenke fó e Governu seidauk fó rai ida governu mós seidauk fó diresaun ne'ebé loloos oinsá mak ita halo prezervasaun kulturál ne'e hahú”, esplika nia.

Tanba ne'e, Timor Aid husu atu Governu identifika edifísiu barak ne'ebé la utiliza hodi uza ba muzeu tais Timor ka muzeum kulturál ruma hodi bele utiliza.

“Tenke iha espasu ida ka fatin ida para ita rai ita-nia sasán sira antigu ne'e prense hotu kedas e depois halo Expozisaun tais no patrimóniu seluk”, dehannia. (*)