“Ami-nia Grupu mak durante ne'e hato'o ami-nia produtu to'o iha Internasionál, liliu ba Expo-Dubai, to'o ami-nia produtu la konsege lori ba Expo-Dubai. Ne'e duni ami-nia Grupu buka dalan oinsá atu fó pedidu ba nasionál maibé dalan mak laiha entaun ami bele tatoli ami-nia pedidu liuhusi sua-exelénsia MAPKOMS”, dehan Xefe Grupu Feto husi Suku Bobometo, Joana Vonato, hafoin partisipa diálogu iha Suku Bobometo, Sub-Rejiaun Oesílo, kuarta (20/07).

Dadauk Grupu feto iha Suku Bobometo ne'ebé hela besik iha Fronteira entre Timor-Leste ho Indonézia durante ne'e moris de'it ho atividade tais, no laiha dalan seluk atubele buka moris.

Tanba iha tempu uluk, Grupu feto iha área rurál liliu fronteira buka moris ho sasán tama mai ilegál, maibé to'o ohin loron labele hala'o tan ida-ne'e tanba dalan iha Fronteira taka metin. (*)