"Komunikasaun Sosiál ita la dúvida liu liu sira ba formadu sira e finalista sira e agora barak mak formadu ona maibé uluk kuandu sei finalista de'it mós barak mak servisu iha rádiu no televizaun sira ne'e tanba ida ne'e mak nu'udar dekanu iha fakuldade ida ne'e laiha dúvida ba formadu no finalista sira iha departamentu siénsia komunikasaun sosiál”, dehan Camilo iha Kampus Fakuldade Siénsia Sosiál iha Kaikoli, sábadu (05/02).

Tanba iha estudante formadu no finalista sira mak iha talentu ne'ebé kontribui ona iha Dezenvolvimentu mídia iha Timor-Leste Leste.

"Tanba ita haree katak fakuldade siénsia sosiál iha departamentu Komunikasaun Sosiál mesak joven sira iha talentu e joven sira ne'ebé mak di'ak sira iha produtivu atu prontu para serví e sira la'ós iha de'it rádiu no televizaun maibé barak liu mak sai akompaña partidu polítiku sira e sai mós hanesan jornalista ba partidu polítiku sira”, afirma nia.

Diretór Departamentu Komunikasaun Sosiál (CS), Marcelino Magno hatete, loos duni katak departamentu Komunikasaun Sosiál laiha dúvida ba estudante sira nia kapasidade.

"Loos nu'udar Diretór komunikasaun Sosiál ha'u mós iha fiar ida ne'e katak kapasidade skill alumni sira ho estudante sira ha'u la ragu, maibé ita labele puas ho ida ne'e”, dehan nia.

Maibé sei esforsu nafatin hodi kompete iha universidade sira seluk iha Internasionál no Nasionál ne'ebé mak iha ona departamentu Komunikasaun Sosiál.

"Ita labele hanoin iha Timór de'it ita tenke bersaing ho li'ur iha rejionál, iha ne'ebé ita tenke bersaing ho sira, ne'ebé tenke servisu hadi’a nafatin ba nafati”, katak nia.

Departamentu Komunikasaun Sosiál hari’i iha Universidade Nasionál Timor Lorosa'e iha tinan 2008 ho estudante finalista dahuluk na'in walu, no dadaun ne'e produz ona estudante besik atuslima-resin iha UNTL rasik. (*)