"Barak liu iha minisípiu Vikeké, tuir Bobonaro, ami indenfika ema na’in lubuk ida ne'ebé mak ho situasaun defisiensia, maibé to'o ohin loron sira la rejistradu,  husu ba ADTL no organizasaun sira hothotu ne'ebé servisu ba ema ho defisiensia atubele koopera hodi rejista ou rekolla ita-nia ema ne'e, sira-nia dadus", dehan nia iha Salaun City8, Has Laran-Manleuana, tersa (30/11).

Diretór Ezekutivu Asosiasaun Defisiensia Timor-Leste (ADTL), Cazario da Silva haktuir, konserteza situasaun ida ne'e ema ho defisiensia barak liu iha área remota sira ne'e hasoru situasaun ida ne'e, liliu esklusaun husi partisipasaun iha moris públiku, barak liu komete husi inan-aman sira.

Nune'e mós inan-aman sira ne'ebé iha Kapitál Dili, rejista rihun-3-resin ema ho defisiensia, maibé ema ho defisiensia hirak ne'e iha ne'ebé sira  la hatene, tanba tuir situasaun ne'ebé sira akompaña katak, barak liu inan-aman sira esklui tiha oan ho defisiensia.

"Entaun ho situasaun sira hanesan ne'e ami hakarak apela, ba família liliu inan-aman sira atu para ona ho esklui ema ho defisiensia iha ita-nia komunidade ho sosiedade", afirma nia.

Situasuan ida ne'e la'ós ema ho defisiensia nia hakarak mak atu sai hanesan ne'e, e inan-aman mós la'ós hakarak nia oan atu sai hanesan ne'e, tanba ne'e tenke asegura oportunidade ba sira, atu hola parte iha atividade hotu ne'ebé mak konsidera ema hotu bele hola parte ba, liliu iha moris públiku nia laran. 

Enkuantu tuir dadus ne'ebé iha, ema ho defisiensia hamutuk rihun138.118 iha Timor-Leste no númeru boot liuhusi minisípiu Ermera purvolta rihun-4-resin, tuir minisípiu Baukau ho Vikeké inklui Dili. (*)