Login to your account

Username *
Password *
Remember Me

PN Aprova Rezolusaun Prémiu Max Stahl, Implemeta iha 2022

Erói Jornalista Max Stahl. Erói Jornalista Max Stahl. Foto Suplay

Tempotimor (Dili)-Parlamentu Nasionál (PN) deside hodi aprova projetu-rezolusaun númeru 83/V (4a) kona-ba estabelesimentu instituisaun Prémiu Max Stahl iha Timor-Leste (TL), sei implementa iha tinan 2022.

Rezultadu votasaun ba aprovasaun projetu rezolusaun refere, hetan votu a-favór husi deputadu-48, no deputadu na'in-17 aujente iha plenária.

Hafoin aprovasaun ida ne'e, Prezidente PN, Aniceto Longuinhos Guterres Lopes hatete, rezolusaun prémiu Max Stahl nu'udar inisiativa husi meza Prezidente PN nian, ne'ebè ho intensaun hakarak dignifika indereitamente ba erói sira ne’ebé mak hetan oho iha semitériu Santa Cruz inklui sira seluk iha loron 12 fulan-novembru.

"Rezolusaun ba Prémiu Max Stahl, indereitamente atu dignifika liután ita-nia erói sira ne'ebé mate iha 12 novembru. Tanba ne'e meza halo ezersisiu ida no aprezenta ideia, atu oinsá parlamentu nasionál hamosu prémiu Max Stahl”, dehan nia iha plenária PN, tersa (30/11).

Parlamentu Nasionál, nu’udar orgaun lejislativu, fiskalizadór no orgaun foti desizaun polítika, deside kria premiu liberdade espresaun hodi valoriza sidadaun sira ne’ebé bele sai pioneiru ka atu fortifika liberdade espresaun, hanesan ditetu sidadaun, ne'ebé konstituisaun konsagra tiha ona.

Tanba ne'e husi kontestu ezersisiu ida ne'e meza aprezenta projetu rezolusaun ne'ebé atu diskute no aprova.

"E tanbasá mak ita adianta kedas ohin (30/11), loloos ohin ita plenária estraordináriu hanesan ohin ha'u dehan ajenda espesífiku ba omenajen ne'e de'it. Mais hakarak aproveita oportunidade aban ita komesa tama ona ba debate OJE 2022, tanba sé ita ko’alia premiu ne'e, ita liga mós ba kustu (osan)”, afirma nia.

Enkuantu orsamentu privativu parlamentu nasionál nian ne’ebé mak deputadu sira aprova ona ne'e seidauk inklui alokasaun orsamentu ba prémiu Max Stahl.

Ne'e duni, iha ne'e meza PN hanoin katak rezolusaun ne'e hetan aprovasaun mak Parlamentu sei hahú estabelese instituisaun prémiu Max Stahl, nune'e bele implementa prémiu ne'e tinan 2022.

"Durante iha debate ne’e, sé nu kazu, aprova para plenária e deputadu sira bele halo ezersisiu para oinsá mak garante ninia implementasaun iha tinan-oin (2022)”, esplika nia. (*)

Rate this item
(2 votes)
Last modified on Wednesday, 01 December 2021 07:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter