"Los duni ohin, dader ha'u simu informasaun que ita-nia jornalista Max Stahl mate ona, nia mate ona, ninia isin mak lakon maibé ninia istória ninia kontribuisaun ba rai ida ne'e sei la lakon iha povu  Timor-Leste nia memória la lakon iha Timor nia fuan, tanba nia mós erói ba rai ida ne'e”, dehan Lere Anan, iha Kuartel jerál Fatuhada, kinta (28/10).

Tanba de'it nia ho ninia ekipa, dezastre masakre santa cruz 12 de Novembru mundu tomak bele rona no hatene situasaun iha Timor-Leste.

Tuir informasaun matebian Max Sthal nia isin mate sei Haloot iha Timor-Leste ne'ebé sei deside husi Governu rasik:

"Maibé tuir informasaun katak dehan nia lori mai rai iha ne'e to’o 12 de Novembru mak hakoi mós bele”, dehan Lere. (*)