Login to your account

Username *
Password *
Remember Me

Timor-Leste ‘Lakon’ Eroi Max Stahl iha Ospitál Nasionál Brisbane-Austrália 

Eroi Max Sthal bainhira simu kondekorasaun husi Estadu Timor-Leste. Eroi Max Sthal bainhira simu kondekorasaun husi Estadu Timor-Leste. Foto Suplay

Tempotimor (Díli)-Jornalista Antigu hanesan mós eroi Timor-Leste nia, Max Stahl hakotu nia iis iha ospitál Nasionál Brisbane-Austrália, tanba sofre moras kleur.

"Max Sthal iis Kotu. Max Husik Mundu Ida ne’e. Timor-Leste Kiak Liu Ona. Na'i Aman iha lalehan ho Santu no Anju sira simu na ami-nia Maun Alin MAX STAHL”, dehan Eis Prezidente Repúblika, José Ramos Horta iha nia pájina ofisiál ne'ebé www.tempotimor.com asesu, kinta (28/10).

Nia hatutan, husi pájina refere katak, simu mensaiem husi doutora ida naran Ingrid katak Max Stahl hakotu iis iha 04:30 orãs Austrália.

"Liurai mate ona, ha'u triste tebes tanba ida ne'e mak ha'u fó hatene, Max Stahl liu ohin madrugada ida kuaze tuku haat liu minutu tulunulu (04:30)”, mensajen doutora ba Horta.

Matebian Christopher Wenner ne’ebé koñesidu  ho naran Max Stahl Timor-Leste nia eroi ida ne'ebé moras todan hodi hala'o tratamentu iha ospitál Nasionál Austrália maibé ohin dader hakotu ona nia peregrinasaun.

Max Stahl hanesan jornalista Britániku-Inglaterra ne’ebé fó kontribuisaun maka’as durante luta ba libertasaun Timor-Leste, tanba liuhusi nia dokumentasaun no filme sira hanesan  Masakre Santa Cruz 12 Novembru 1991, ne’ebé halo mundu hatene no hamrik hodi defende povu Timor-Leste nia direitu.

Iha mós filmajen sira seluk ne’ebé haruka ba mídia sira iha rai liur hodi ko’alia luta povu Timor-Leste ba libertasaun patria. (*)



Rate this item
(1 Vote)
Last modified on Friday, 29 October 2021 09:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter