"Bele dehan profesór ida iha ne'e semana rua ona la tama, mais prontu ha'u bele dehan de'it la obriga sira ba vasina maibé ha'u dehan tenke kumpri regra husi parte Ministériu Edukasaun ne'ebé hatun mai”, dehan Sergio Alfredo iha Eskola Sekundaria 4 Setembru, kuarta (27/10).
Profesór refere nia kondisaun di'ak nia hatama ona karta swab nian maibé karta swab nian ne'e validu to'o de'it semana rua.
Nune'e profesór ne'ebé mak la tama aula, konsidera falta no lista prezensa profesór nian haruka ba Edukasaun Munisípiu atu trava sira-nia saláriu mensál iha loron ne'ebé falta.
Profesór iha 4 Setembru UNAMET la simu vasina tanba moras komplikadu no tensaun sa'e.
"Profesór sira ne'e simu hotu ona vasina hela na'in-haat (4) ida hanesan ne'e mak simu vasina maibé ha'u orienta tan ona, maibé sira dehan seidauk bele simu tanba balun moras komplikadu, balun atu vasina mak koko sira-nia tensaun sa'e”, dehan nia.
Maibé ba estudante ne'ebé mak la simu vasina sei hein desizaun husi Governu kona-ba regra saida mak sei implementa ba estudante sira la simu vasina. (*)