“Laiha ema ida ne'ebé mak atu impede ba interese nasionál, e ne'e interese nasionál, interese komun ba ema hothotu que labele impoen ba ema nia hanoin ne'ebé mak mínimu liu”, dehan Longuinhos dos Santos, iha Palásiu Governu, kuarta (04/08).

MESSK mak sai na'in ba programa refere, nune'e sei avansa nafatin ho planu ne'ebé mak ministériu trasa ona tanba nasaun presiza dezenvolvimentu edukasaun ba foinsa'e sira.

“Tanba ne'e, Ministériu Ensinu Superior no Kultura sai hanesan na'in ba programa ida ne'e, e que atu halo nusá mós tenke hakat pasu ba oin, tanba ita-nia nasaun presiza dezenvolvimentu, ita-nia nasaun presiza edukasaun ba ita-nia joven sira”, afirma nia.

Antes ne'e, parte komunidade balu mós la satisfáz ho desizaun governu nian, inklui mós husi parte husi sosiedade sivíl sira iha "Rede Ba Rai", ne'ebé mós rezeita atu Governu halo instalasaun Sidade Universitária ne'e iha Aileu, tanba halakon dei't direitu komunidade sira nu'udár na'in ba rai pedasuk ida. (*)