“Hau orienta ona ba profesór sira katak materia ida foun ita-boot sira seidauk hanorin, ita-boot sira labele koko atu fó sai iha ezame periode tanba labarik sira seidauk hetan, ita labele obriga sira”, dehan nia iha knar fatin, Kintal Boot, kuarta (04/08).

Tanba, materia ne'ebé mak sei elabora iha ezame periodu daruak ne'e, husi materia ne'ebé antes covid-19 ne'e akontese profesór sira hanorin ona.

Maske prosesu ezame segundu periodu, lolos ne'e monu iha loron 2 to'o 7 fulan-agostu, maibé Ministériu Edukasaun Juventude no Desportu, kansela, tanba liga ho situasaun atual ka pandemia covid-19.

Tanba ne'e, parte Eskola Nobel da Pas seidauk hatene bainhira mak bele hahú fali sira nia ezame ba periodu daruak nian, tanba sei hein despaixu husi Ministériu Edukasaun.

“Agora dadauk ami halo preparasaun ba estudante, tanba ami-nia estudante sira iha ne'e dala ruma ita-boot sira rona katak, (kada turma la para uma sentena, sein ital) entaun agora dadauk ha’u fahe e profesór sira tuir hare sira-nia lista”, dehan nia.

Maibé maneira preparativu ne'e hanesan faze ida atubele fahe koloka estudante sira kada iha aula, tuir protukolu Organizasaun Mundial Saúde (OMS) nian. Hodi hein bainhira kuandu despaixu tun ona, mak hafoin realiza ezame ba segundu periodu.

“Agora dadaun ami seidauk ezame tanba ami sei halo preparasaun, e antes despaisu tun, ami halo ona preparasaun hotu tiha ona, para tun ho tun ami ezame de'it”, dehan nia.

Enkuantu totál estudante iha eskola Nobel da Paz hamutuk 3.688, kompostu husi Ensinu Sekundária Jerál (ESG) 2988, no Ensinu Báziku 700. (*)