Ministru Prezidensia Konsellu Ministru Fidelis Leite Magalhães informa, proposta nomeasaun ne'e husi Ministru Ensinu Superiór, Siénsia no Kultura (MSSEK), Longuinhos dos Santos ne'ebe ohin hetan ona deliberasaun husi Konsellu Ministru.
"Konsellu Ministru hala’o sorumutuk iha Palásiu Governu, iha Dili no, liuhusi proposta husi Ministru Ensinu Superiór, Siénsia no Kultura, Longuinhos dos Santos, delibera ona atu nomeia Profesór Doutór João Soares Martins hanesan Reitór Universidade Nasionál Timor-Lorosa’e (UNTL) nian ba períodu ida iha tinan lima nia-laran", Fidelis hateten hafoin reuniaun Konsellu Ministru iha palasiu Governu, Kuarta (13/01).
Nune'e mos Konsellu Ministru delibera hodi nomeia Manuel Pinto hanesan Prezidente Konsellu Diretivu TATOLI nian – Ajénsia Notisioza Timor-Leste, I.P., ba períodu ida iha tinan haat nia-laran.
Proposta ne'e husi Ministru Asuntu Parlamentár no Komunikasaun sosiál (MAPKoomS), Francisco Martins da Costa Pereira Jerónimo no hetan ona delibera husi Konsellu Ministru. (*)