Miguel Maia: UNTL Sente Estudante iha Injustisa

Pro reitór Asuntu Akadémika UNTL Miguel Maia esplika hela ba jornalista sira kona-ba propinas ne'ebé estudante sira ezije ba governu. Tersa (25/08) Pro reitór Asuntu Akadémika UNTL Miguel Maia esplika hela ba jornalista sira kona-ba propinas ne'ebé estudante sira ezije ba governu. Tersa (25/08) Foto Tempo Timor

Tempotimor (Dili) - Relasiona ho polémika ne'ebé la'o iha rai-laran liga ba polítika governu nian apoiu subsídiu ba estudante timoroan la'ós bolseiru iha rai-li’ur, maka Universidade Nasionál Timor Lorosa'e (UNTL) sente estudante rai-laran iha injustisa.

Tanba ne’e, UNTL deside luta hamutuk ho estudante sira kona-ba propinas semestre pár tinan 2020 nian, maibé luta ne'e hela buat mamuk ida.

"Buat ida injustisa haree husi sikun barak-barak tebes, entaun husi parte ida ita dehan injustisa, iha parte seluk ita dehan ita mós bele kompriende katak nia ko'alia kona-ba sidadaun, ne'e buat ketak ona. Maibé ko'alia kona-ba estudante, ita mós aposta katak, estudante iha rai-laran mós iha nia direitu," dehan Pro Reitór Asuntu Akadémiku UNTL, Miguel Maia, ba jornalista sira iha fakuldade Siénsia Sosiál-UNTL, Tersa (25/8).

Nia hatutan, UNTL antes ne'e luta ho estudante sira, maibé la rezulta mehi ne'ebé UNTL no estudante sira iha.

"Inísiu ne'e UNTL luta hamutuk ho estudante sira, katak oinsá atu fó livre propinas semestre ida ba estudante sira, maibé luta sira ne'e hotu ita mai fali internaliza katak, desizaun hotu la'ós UNTL, maibé UNTL nu'udar kobradór estadu nian liuhusi propinas, depois ida ne'e governu mak deside," nia dehan.

Alende ne'e, Miguel dehan, UNTL garante estudante sei koopera hodi selu propinas ba semestre pár.

"UNTL garante katak estudante sei koopera, tanba estudante mós hatene UNTL nu'udar instituisaun, ema ka pesoál, tanba ne'e UNTL kompriende katak ezijénsia estudante nian mós direitu ida, maibé problema prosesu aprendizajen mós direitu estudante nian para aposta ba kualidade," dehan nia. (*)

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter