Pro-Reitór UNTL Asuntu Akadémiku, pronunsia katak orientasaun akadémiku to’o agora estudante foun 2019 husi kanál tolu (A, B, C) seida’uk orientasaun tanba kanál B seidauk hetan solusaun.

“ita labele separa entre kanál A, C ho B, tanba ita halo separasaun sei implika ba prosesu aprendisajen", dehan Pro-Reitór, Miguel Maia, iha Kampus Sentral UNTL, Sesta (1/3).

Nia esplika, karik orientasaun akadémika ne’e mak kanál A no C hahú uluk konserteza balun sei hetan materia barak no balun sei material hetan oituan, tanba orientasaun la hamutuk.

“Estudante sira husi kanál A no C ne’e, sira bele sente sai vítima, maibé ita labele fó uluk ba parte balun depois fó tan ba sira seluk. Nune’e di’ak liu hetan karik di’ak liu hanesan”, tenik Miguel.

Iha fatin hanesan, Ministru Edukasaun Ensinu Superiór Siénsia no Kultura, Longuinhos dos Santos dehan, rejime jeral laiha problema ho rejime espesiál ne’ebé seida’uk hetan finalidade.

“Sira prepara ona para tuir orientasaun akadémika ba rejime jeral no rejime oportunidade ne’ebé ita publika tiha ona iha loron 25 Janeiru 2019, ne’ebé publika ona liuhusi website UNTL nian”, dehan ministru.