Reitór UNTL, Francisco Miguel Martins hateten, universidade posivél atu bele estudante foun kanal B ho klase sosial oioin, maibe Governu la aseita.

“UNTL foti alternativa atu rezolve polémika ne’ebé akontese, ne’e mak untl prontu atu simu estudante 6.798", dehan nia, iha Parlamentu Nasionál, Tersa (26/2).

Nia hatutan, desizaun ne'e foti hafoin Konsellu Jestaun UNTL halo ona reuniaun estraordináriu no tetu ona ba problema sosiál no akadémiku nia liuhusi simu esudante foun sira liuliu rejime espesiál.

Iha fatin hanesan, Ministru Edukasaun Ensinu Superiór Siénsia no Kultura, Longuinhos dos Santos hateten, estudante sira ne’e sei iha prosesu laran, tanba haree ba konfisaun no infraestrutura universidade nia la sufisiente.

“Ita simu la problema, lalika 9.000, ita bele 20.000, 30.000, mas kondisoens tenke garantia, selae sira tuur iha rai de’it", tenik nia.

Nia hatutan, regra hatuur ona katak, rejime espesiál ne’e atu simu de’it 440 ne’e regra, maibé se enkuantu liuhusi ne’ebá, ne’e iha situasaun ne’e liuhusi desizaun koletivu.