Login to your account

Username *
Password *
Remember Me

Konstrusaun Edifísiu Foun FAGRI-UNTL Atinje ona Pursentu 100

Magnífiku Reitór Universidade Nacional Timor Lorosa'e (UNTL), João Soares Martins, dada lia hela ho Jestór Kompaña Dany Star. Magnífiku Reitór Universidade Nacional Timor Lorosa'e (UNTL), João Soares Martins, dada lia hela ho Jestór Kompaña Dany Star. Foto Suplay

Tempotimor (Dili)-Magnífiku Reitór Universidade Nacional Timor Lorosa'e (UNTL), João Soares Martins, hamutuk ho estrutura universidade nian, no ekipa husi kompaña Dany Star, halo inspesaun ikus ba edifísiu foun (FAGRI) Building 01 ne'ebé nia progresu atinje ona pursentu atus-ida (100%).

Tuir informasaun ne’ebé www.tempotimor.com, asesu iha pájina Mídia UNTL, segunda (21/08/2023) katak, Magnífiku Reitór João hatete, vizita ne'e atu haree konstrusaun uma nian, liuliu kualidade ne'ebé konstrui husi kompaña Dany Star, nune'e sei entrega iha tempu badak.

“Ita halo inspesaun ikus ba edifísiu foun FAGRI nian, ne'ebé konstrui husi kompaña Dany Star (building 01), no ita hein tan konstrusaun uma rua ne'ebé konstrui husi kompaña Bobolait (building 02) no (building 03) husi kompaña Hedge Construction, nune'e ita bele planu atu halo inaugurasaun ba edifísiu tolu ne’e”, dehan Reitór João, iha Hera.

Reitór UNTL mós agradese kompaña ne'ebé termina ona konstrusaun iha tempu ne'ebé nato’on no husu ba kompaña rua seluk atu la'o tuir Dany Star nia dalan nune'e bele entrega lalais edifísiu ba universidade.

Iha sorin seluk, Jestór Kompaña Dany Star, Valente João Alberto hatete, durante prosesu konstrusaun hetan xamada dala-rua husi UNTL, tanba impaktu husi klima no materiál sira, nune'e servisu la másimu no ikus Dany Star remata duni konstrusaun.

“Prosesu konstrusaun ne'e, ami hetan xamada husi UNTL dala rua, tanba impaktu husi klima no materiál sira maibé ami kontinua nafatin servisu, ikus mai ami konsege finaliza duni konstrusaun ka obra ida-ne'e no sei entrega iha fulan-agustu nia laran”, dehan Jestór Valente.

Iha inspesaun ne’e rezultadu indika katak kompaña Dany Star (building 01) atinje ona 100%, Bobolait (building 02) atinje ona 88% no Hedge Construction (building 03) atinje ona 67,87%.

Inspesaun ne'e, hetan partisipa husi Pro-reitór ba Asuntu Dezenvolvimentu Institusional, Lelis Gonzaga Fraga, Dekanu Fakuldade Agrikultura, Vicente de Paulo Correia, ekipa tékniku UNTL, no ekipa tékniku husi kompaña Dany Star. (*)

Rate this item
(0 votes)
Last modified on Monday, 21 August 2023 18:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter