Atividade sosializasaun ne’ebé hala’o iha Postu Adminustrivu sira iha autoridade munispál Baucau ho objetivu atu hatutan informasaun ba autoridade lokál sira kona-ba Saida mak ID Únika no nia benefisiu sira bainhira implementa ona programa refere.

Iha abertura sosializasaun ne’ebé hala’o iha Postu Administrativu Baucau Vila, tersa (18/07/2023), Prezidente Autoridade Munisipál Baucau, Olivio Freitas iha abertura ne’e hatete, situasaun agora ne’e nia parte seidauk hatene, maibé programa ne’e presiza duni esplikasaun atu nune’e autoridade lokál sira bele hatene kona-ba implementasaun iha futuru.

Sosializasaun loron daruak kuarta, (19/07/2023) iha Postu Administrativu Laga Administradór Postu, Domingos Loiola Pereira hatete, nia parte agradese ekipa TIC TIMOR bele desimina informsaun ba autoridade lokál sira, nune’e husu nafatin atubele kontinua programa ne’e ba futuru hodi ajuda no fasilita informasaun ba komunidade sira. Tanba iha identidade falsu barak mak komesa mosu no dupla dadus sira ne’ebé difikulta autoridade lokál.

Reprezentante Administradór Postu Baguia, Mario Xavier da Costa oha atividade sosializasaun iha loron segunda (24/07/2023) ba autoridade postu Baguia hatete, nia parte agradese ba ekipa TIC TIMOR, tanba bele to’o ona iha postu hotu esplika téknolojia ba autoridade lokál sira atubele hatene kona-ba sistema teknolojia iha rai laran. Maske iha autoridade lokál balu la konsege marka prezensa iha atividade sosiliazasaun ne’e, tanba distánsia ne’ebé dook no kondisaun estrada ne’ebé la permite sira atubele mai partisipa.

Iha loron tersa (25/07/2023) sosializasaun iha Postu Quelicai administradór Postu, Mateus Soares Cabral hatete, husu autoridade lokál sira bele akompaña didi’ak materia sira ne’ebé aprezenta husi ekipa atu informasaun sira ne’e bele hatutan ba komunidade sira iha suku to’o aldeia sira.

Nune’e mós Administradór Postu Venilale, Miguel Guteres iha soslizasaun loron kuarta (26/07/2023) ba augtoridade lokál sira hatete, atividade sosializasaun ne’e importante ba autoridade lokál sira hodi bele hatutan informasaun sira ba komunidade iha baze atu hatene kona-ba sistema IDÚ ne’e. Nune’e komunidade sira bele hatene prosesu implementasaun programa Identidade Úniku.

Ba atividade sosializasaun loron ikus nia hala’o iha Postu Administrativu Vemasse, kinta (27/07/2023), Reprezentante Administradór Postu Vemasse, Liborio da Costa, agradese ba ekipa TIC TIMOR ne’ebé haree ba dezenvolvimentu informatika ne’ebé dadauk la’o lalais no ninia efeitu pozitivu no negativu la’o maka’as ne’ebé ita-nia ekipa sira mai atu desimina informasaun sira kona-ba sistema identidade Úniku atu nune’e autoridade lokál sira bele intende inisiativa kriasaun programa ho ninia implementasaun.

Iha sosializasaun ne’e Diretór Diresaun Identidade Úniku-TIC TIMOR, I.P, Florindo Guterres da Costa, hanesan reprezentate Diretór Ezekutivu TIC TIMOR. I.P, agradese ba adminsitradór postu ne’ebé simu ona ekipa TIC TIMOR, liliu ekipa Identidade Úniku atubele fahe informasaun kona-ba programa IDÚ ba autoridade lokál sira iha postu laran atu hatene benefisiu no objetivu husi programa Identidade Úniku ne’e.

Vise II Diretór Ezekutivu TIC TIMOR. I.P, Andre Felix Marques hatete, atividade sosializasaun atu fahe informasaun ba autoridade lokál sira no simu rekomendasaun nomós kritika atubele prepara ba futuru implementasaun Identidade Úniku iha Timor-Leste.

Atividade ne’e iha aprezentasaun Jornada implementasaun husi Diretór Diresaun Identidade Úniku-TIC TIMOR, I.P, Florindo Guterres da Costa, hanesan reprezentate Diretór Ezekutivu TIC TIMOR. I.P, no ba materia Sosializasaun Programa IDÚ aprezenta husi Koordenadór Komunikasaun-IDÚ, Diogo de Jesus Carvalho.

Ba atividade sosializasaun ne’ebé hala’o iha postu administrativu ne’e hetan partisipasaun hamutuk ema na’in-hitunolu-resin-rua (72) husi postu Venilale, Partisipante iha postu Vemasse hamutuk ema na’in-hitunolu (70), partisipante iha Postu Baucau Villa neennolu-resin-ualu (68), partisipante iha postu Quelicai haatnolu-resin-haat (44), partisipante iha Postu Laga hamutuk ema na’in-limanolu-resin-sia (59), no partisipante ba sosializasaun iha Postu Baguia hamutuk ema na’in-neennolu-resin-hitu (67).

Antes ne’e, TIC TIMOR  I.P liuhusi Diresaun IDÚ mós halo ona sosializasaun ba parseiru dezenvolvimentu sira, Ministériu sira, Universitáriu, no entidade relevante sira seluk, nomós hala’o ona sosializasaun ba munisípiu balun hanesan iha Postu Administrativu sira iha Munisípiu Likisá, Munisipiu Ermera, Ainaro, Aileu no Lautém, Eskola Sekundáriu sira, Rejiaun Autonomia Espesiál Oekussi Ambeno (RAEOA). Ekipa IDÚ mós halo ona aprezentasaun ba Prezidente Autoridade Munisipál sira no Administradór Munisipál sira iha Reuniaun Konsellu Koordenasaun Teritóriál (KKT) iha Munisípiu Lautém no sei kontinua ba Munisípiu sira seluk. (*)