“Ha’u sente kontente no haksolok tebes atu hasoru Primeiru Ministru ohin liliu iha ami-nia sorumutuk ne'ebé foka liu ba vizita ne'ebé sei hala'o iha futuru ne'ebé Vise-Papa nia, Vise  Primeiru Ministru, Papa Francisco, sei vizita Timor-Leste iha fulan-setembru hodi inaugura Embaixada foun Vatikanu ka Nunsiatura Apostolika nomós atu vizita nasaun ne’e”, dehan nia bá jornalista sira iha Rezidénsia PM Taur Matan Ruak, Farol, (22/08)

Alende ne’e, mos atu reforsa importánsia husi desizaun Parlamentu Nasionál Estadu Timor nian atu asume dekorasaun kona-ba fraternidade umana nian iha Timor Leste ne’ebé Parlamentu Nasionál asina ona.

“Aman Santu asina ona ba dame mundiál ka dokumentu nasionál sira. Desizaun istóriku ida husi Timor-Leste”, dehan nia.

Tanba Timor-Leste mak nasaun dahuluk no Parlamentu Nasionál dahuluk iha mundu ne’ebé mak foti desizaun hodi halo irmaun no irman ida iha sidadaun Timor-Leste nia leet.

“Nasaun dahuluk iha mundu, Parlamentu dahuluk iha mundu, mak foti desizaun ida-ne'ebé halo ba irmaun-irman ida iha povu nia leet no sidadaun hotu nia leet. Ha’u nu'udar kolaboradór dahuluk husi Papa ne'ebé fó atensaun ba importánsia husi ida-ne'e no mós atu vizita Timor, hasoru povu, selebra misa boot iha katedral, hasoru joven sira, labarik sira, ami sei vizita vizita ida-ne'ebé furak husi apóstolu nia enkontru”, afirma nia.

Ba Vizita ne'e Primeiru Minístru (PM), Taur Matan Ruak, sei kontinua apoiu nafatin hodi akompaña Vise Primeiru Minístru Papa Francisco nian iha Timor-Leste.

Nune’e, ko'alia liután kona-ba importánsia husi Aman Santu ne'ebé hili ona Dom Virgílio nu'udar kadinal primeiru iha istória igreja Timor-Leste nian, sinál ida tan kona-ba Papa nia domin ba Timor-Leste.

“Primeiru Ministru kontente hodi dehan katak nia rasik sei hasoru nia no nia kontente tebes, tanba ida-ne'e mós bele sai hanesan preparasaun ba buat ne'ebé ami espera katak iha futuru, dala barak apá santu la vizita Timor”, deklara nia. (*)