Login to your account

Username *
Password *
Remember Me

Xanana Selebra Loron FALINTIL ho Timoroan iha Indonézia

Enviadu Espesiál Extraordináriu husi Prezidente Repúblika J.H.R, Kay Rala Xanana Gusmão foto hamutuk ho Estudante Timoroan no funsionáriu Konsuladu Timor-Leste iha Bali-Indonézia, sábadu (20/08). Enviadu Espesiál Extraordináriu husi Prezidente Repúblika J.H.R, Kay Rala Xanana Gusmão foto hamutuk ho Estudante Timoroan no funsionáriu Konsuladu Timor-Leste iha Bali-Indonézia, sábadu (20/08). Foto Suplay

Tempotimor (Dili)-Enviadu Espesiál Extraordináriu husi Prezidente Repúblika J.H.R, Kay Rala Xanana Gusmão, selebra aniversiu FALINTIL ba dala-47 ho Estudante no Timorona sira iha Repúblika Indonezia (RI) hodi husu estudante atu kontinua estuda didi'ak hodi bele serbi nasaun Timor-Leste.

“Parabéns, tanba ohin loron espesiál ida ba ita hotu, tanba ohin 20 de Agostu loron FALINTL nian (selebra ba dala 45). Tanba ne’e, ba imi joven sira ho esperitu nafatin estuda halo di’ak, para fila karik bele ba serbi ita-nia rain”, dehan Xanana hafoin selebra loron FALINTIL ba dala-47 iha Konseuladu Timor-Leste iha Bali-Indonézia, sábadu (20/08).

Ba selebrasaun loron FALINTIL dala-47 ida-ne'e konsidera indepensénsia Timor-Leste ohin loron sai ezemplu ba dame, tanba funu entre Timor-Leste ho Indonézia iha tinan 24 konsege rezolve ona, no nasaun rua kria amizade ba liuhusi kria prosesu rekosiliasaun hari’i Comisaun Verdade Amijada (CVA- Timor-Leste no Indonézia) hodi sai ezemplu ba mundu.

Tanba ne'e, agradesimentu ba Timoroan no funsionáriu públiku iha konsuladu Timor-Leste iha Indonézia no ba Estadu hothotu ne'ebé selebra loron importante ida-ne'e.

Husu ba estudante, joventude no povu Timor-Leste kontinua fó onra ba eroi asu’ain FALINTIL sira ne’ebé mate hodi fó valór ba prosesu indenendénsia Timor-Leste hakat ba oin liuhusi konsolida nafatin dame, ho fraternidade umana no tau aas interese nasionál boot liu buat hothotu.

“Konsuladu imi iha ne’e kria servisu kooperasaun di’ak nafatin hametin paz no estabilidade entre Timor-Leste no Indonezia”, hatete Xanana.

Nune'e mós atu estudante hotu no funsionáriu públiku hotu ne'ebé estuda no servisu iha Indonézia, atu tau aas interese nasionál liu interese hothotu hodi fó kbi’it no brani ba sira tanba nasaun ida-ne'e sei entrega ba Jerasaun sira atu lidera wainhira líder sira-nia matan la haree ona.

Enviadu Espesiál Extraordináriu husi Prezidente Repúblika J.H.R, Kay Rala Xanana Gusmão mós hato'o agradesimentu ba sidadaun Indonézia sira ne’ebé halo servisu no apoiu tebes ba servisu konsuladu nian iha Bali.

Konsuladu Timor-Leste iha Bali, Aleixo da Silva hato’o agradese tebes, tanba foin ba dahuluk Líder Istóriku Kay Rala Xanana Gusmão vizita Konsuladu Bali, hafoin Governu Timor-Leste deside sosa rai uma hari’i konsuladu permanente ne’e iha kedas tinan 2013.

Durante iha atividade vizita husi Xanana fó mós mensajen ne'ebé sira rona direita kona-ba motivasaun atu iha esperitu servisu maka’as liután kontribui ba dezenvolvimentu Timor-Leste.

“Ami agradese ho vizita Maun Boot Xanana nian to’o mai fatin ne’e hodi fó mensajen no korajen ba ami hotu atu servisu di’ak liután hodi hatutan líder sira-nia mehi hori nasaun ne’e ba oin, tanba Estadu nia korespondensia iha ne’e ami servisu hamutuk nafatin ho Governadór Bali no povu sira hodi kria kooperasaun di’ak tebes”, dehan nia.

Dadauk, sidadaun hamutuk na’in-23 mak servisu iha Konsuladu Timor-Leste iha Bali kompostu husi Indonézia na’in-16 no timoroan sira ne’ebé servisu hanesan, Konsuladu, Koordenadór Konsuladu, Adidu Migrasaun, Adidu Saúde no Asistente, Adidu Edukasaun no parte seguransa no jardineiru nian.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter