Login to your account

Username *
Password *
Remember Me

Autoridade Munisípiu Sei Hapara Festa Tradisionál iha Ermera

Prezidente Autoridade Munisípiu (PAM) Ermera, Eugebio Salsinha. Prezidente Autoridade Munisípiu (PAM) Ermera, Eugebio Salsinha. Foto Suplay

Tempotimor (Ermera)-Prezidente Autoridade Munisípiu (PAM) Ermera, Eugebio Salsinha hatete, Konsellu Koordenasaun Munisipal Konsellu Konsultivu Munisípal sei fó sai regra ida atu hapara festa tradisionál sira iha Munisípiu Ermera.

“Ita iha Ermera halo fali lia sai ezajeradu liu, ne'ebé ha'u atu forma hela señór vise Prezidente no Deputadu sira iha Parlamentu Nasionál katak iha prosimu konsellu koordenasaun Munisipal Konsellu Konsultivu Munisípal ami sei hasai regra atu suspende hotu atividade festa tradisionál sira uma lisan ka saida, iha ne'e”, dehan nia iha Salaun Parokial Gleno, sesta (19/08).

Tanba atividade tradisionál sira ne'e, prezudika tebes família no komunidade iha Ermera no la dignu nu'udar sidadaun ida.

“Iha asemana kotuk ha'u iha serimónia ida iha leten ne'ebá sira oho animál (fahi 105) karau 88 ha'u dehan osan rihun $18 de'it, ne'ebé ha'u hatete ba sira rihun $18 ne'e nusa imi la uza ba hadi’a ita-nia ponte no eskola sira ne'e hodi oan sira eskola hodi aproveita duké imi oho fahi 105 karau 88 ne'e ninia valór ne'e zero”, afirma nia.

Tanba atividade hirak ne'e la lori grasa/desgrasa ba komunidade sira-nia moris loroloron nian.

Maibé konsellu sira-nia hadi’a regra ida mak atu halo sensibilizasaun ba komunidade sira atu redúz hodi nune'e utiliza rekursu materiál sira ne'e ba benefisiu komunidade nian.

“Atu fó biban atu ita sensibiliza ita-nia komunidade sira ne'e iha hanoin ida di'ak iha objetivu ida di'ak atu utiliza ka rekursu sira ne'e ba halo buat sira ne'ebé sustenta sobrevivente sira-nian ba futuru sira-nia oan ka ba ita-nia interese ita-nia sosiedade ka ba interese komún povu nian, se la’e tinan tinan halo mak lia e atividade hanesan ne'e xefe suku sira la iha xefe aldeia mós menus mezmu ke ita fo konvite, ida ne'e triste situasaun maibé tanba ita seidauk halo sensibilizasaun ida ne'ebé forte nomós efikas no efisiensia mak buat sira ne'e akontese”, dehan nia.

Maibé espera katak komunidade sei ultrapassa no sei tau fini ba buat sira atu nune'e ema hotu bele komprende iha situasaun real, tanba iha agora iha tempu ida ne'ebé globalizadu iha teknolojia ne'ebé mós presiza tenke ke akompaña ambiente sira atu nune'e mós bele moris dignu ba povu nu'udar Estadu. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter