“Ohin dader ne'e, Instituto Nasional Ciensia Teknolojia (INCT) realiza atividade asina kontratu no entrega fundu peskiza nian ba ita-nia Perkizadór sira. Tanba ne'e, ami konvida ita-nia Perkizadár Nasionál sira ne'ebé passa iha konkursu investigasaun nian. Atubele asina no entrega fundu ba sira hodi hala'o peskiza tuir durasaun tempu ne'ebé determina ona hahú iha fulan ne'e no remata iha fulan-novembru tinan ne'e”, dehan Primeiru Vise INCT, Valentine Ximenes iha Salaun JL Villa, Fatuhada, tersa (10/05).
Ba orsamentu ne’ebé preve oferese ba Perkizador na'in-12 ba projetu investigasaun sientifika ne'ebé selesionadu tuir meritu no proposta ne'ebé Perkizadór sira hatama ba INCT mak área kobertura peskiza ne'e, instituisaun Governu nian iha Munisípiu sanulu-resin-tolu liliu iha Kosta Súl mak barak liu.
Perkizadór sira ne’e maioria maihusi instituisaun akademika sira hanesan UNTL, IOB, UNITAL inklui Universidade no Instituto sira seluk ne'ebé selesionadu iha konkursu hodi halo peskiza identifika ida ne'e.
Projtu Estudu iha tinan 2022 ne'e, sei foka ba área Edukasaun, Agrikultura, Infraestrutura, Teknolojia Inovativu no Ekonomia Turizmu inklui área sira seluk, maibé saúde laiha.
Orador ba serimónia asinatura no entrega fundu ne’e, Jacinta dos S. Guterres hatete, ba atividade ne’e atu proteze partisipasaun umanu no animál, peskiza ne'e universal sei buka hatene intese individu, grupu no sosiedade nian, maibé sei haree mós padraun etiku ne'ebé hetan ona apresiasaun husi Konsellu Sientifiku.
Maske seidauk iha ekipa avaliadór, maibé hahú ona lnasamentu hodi bele hala’o atividade hafoin kontinua ho avaliasaun iha futuru.
“Rekejitu peskiza iha Empreza, Aldeia, Suku no Munisípiu. INCT sei prepara karta koñesementu ba peskizadór sira atu ba peskiza iha Empreza, Aldeia, Suku no Munisipiu bainhira peskizadór sira submete sira-nia kronograma peskiza nian mak parte administrasaun husi INCT sei fó karta koñesementu no kona-ba publikasaun nian, INCT sei prepara aproval letter hodi halo públikasaun”, informa nia.
Maibé oinsá mak trata konsentimentu partipante sira kona-ba peskiza nian, mak husu perkizadór sira prepara konsentimentu informadu liliu ba sira ne'ebé mak peskiza iha Bulin Eskolar.
Tanba konsentimentu informadu wanhira partisipante sira sente konfortavel mak bele intervista no hasai sira-nia foto maib’ee sira sente lakonfortavel entaun labele intervista.
Rekomendasaun husi INCT ba peskizadór sira mak tenke hasai fotografia, Gravasaun Audio, Vídeo husi partisipante sira ka atividade diáriu tantu husi perkizadór eksperimentál no peskiza naun eksperimentasi. (*)
