Login to your account

Username *
Password *
Remember Me

Plan Internasionál Lansa Filme ‘Labarik Feto Lidera Mudansa’

Ekipa autór ba filme ‘Labarik Feto Lidera Mudansa’ iha serimónia lansamentu husi Plan Internasionál Timor-Leste. Ekipa autór ba filme ‘Labarik Feto Lidera Mudansa’ iha serimónia lansamentu husi Plan Internasionál Timor-Leste. Foto Tempo Timor

Tempotimor (Dili)-Plan Internasional Timor-Leste (PITL) lansa filme badak ‘Labarik Feto Lidera Mudansa’ ne'ebé produz iha Munisípiu Aileu no Ainaro.

“Atividade ohin, ami lansa filmajen ho titúlu ‘Labarik Feto Lidera Mudansa’ ne'ebé labarik feto sira hasoru difikuldade barak ita situasaun agora, maibé difikuldade sira ne'ebé hasoru sempre iha solusaun no sira koko lidera buat balun hodi halo mudansa ba sira-nia an”, dehan Country Program Manager, Maria Julieta R. Mota, iha salaun Fundasaun Oriente Bairo dos Grilhos, kuarta (11/05).

Projetu ne'e, foka ba saúde sexuál reprodutiva, oinsá labarik feto sira bele halo mudansa liliu atu foti desizaun ba sira-nia isin lolon no sira-nia moris.

“Atinjimentu husi projetu ne'e iha pontu haat iha tinan lima (5) nia laran mak ajuda labarik-feto sira fiar-an no bele foti desizaun saudavel ba sira-nia isin lolon, partisipasaun no influénsia husi feto ba komunidade sira atu foti desizaun, ajuda organizasaun sosiedade sivíl sira hodi influénsia direitu sexuál reprodutiva no igualidade ba labarik feto sira no seluk mak partisipasaun no suporta husi inan aman, autoridade lokal no profesór sira atu ajuda labarik feto sira hodi dezenvolve sira-nia an”, afirma nia.

Durasaun preparasaun ba filmajen fulan tolu (3) hetan partisipasaun husi labarik-feto hamutuk na'in-4 maioria menus husi idade sanulu-resin-ualu (18) no Eskola Sekundária husi Munisípiu Aileu ne'ebé sai alvu ba programa saúde reprodutiva ne'e rasik.

“Programa ne'e, ami implementa iha Munisípiu Aileu no Ainaru ho durasaun tinan lima (5) ne'ebé implementa husi tinan 2019 to'o tinan 2024. Atividade balun mak ami hala'o iha Munisípiu Dili, ho montante orsamentu rihun-17, ne'ebé kada tinan tau 400 to'o 500 mil dollar hodi implementa iha Munisípiu rua ne'e”, esplika nia.

Programa ne'e, hetan apoiu tékniku husi Ministériu Saúde no apoiu finanseiru husi Governu Swedia liuhusi Plan International Timor-Leste (PITL) ba Organizasaun Sosiedade Sivíl tolu (3), ne’ebé rua (2) iha Munisípiu Aileu no ida (1) iha Ainaru.

Adelina Villa Nova de Jesus husi Munisípiu Aileu hanesan Autór prinsipal filme ‘Labarik Feto Lidera Mudansa’, hatete, nia parte sente kontente tebes tanba bele partisipa direita hanesan autór prinsipál maske filmajem ne'e simples maibé realiza duni no hatudu katak feto mós bele.

“Ami sei kontinua promove talenta ne'ebé ami iha no promove mós feto maluk sira-nia talentu ne'ebé sira iha atubele realiza. Ha’u-nia rekomendasaun ba feto maluk sira mak ita-boot sira ne'ebé mak iha kapasidade no talentu koko atu hatudu no realiza labele atu rai de'it”, dehan nia. (*)

Rate this item
(1 Vote)
Last modified on Wednesday, 11 May 2022 18:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter