Tempotimor (Dili)-Ministeriu Saúde (MS) sidauk preparadu ho ekipamentus atu hasoru variante foun Corona-Delta, tanba sistema saúde sei nafatin, maske kontinua esforsu hodi halo prenvesaun.

“Intermus de ekipamentu, hanesan ha'u dehan ita la preparadu, ita atu prepara to’o tiha ne'ebé maibé ita-nia situasaun, ami koko atu prepara maibé sistema saúde nafatin, tanba ne'e mak ita sempre husu atu halo prevensaun uza máskara, fase liman ho sabaun, distánsia sosiál, no uza hand sanitizer”, dehan Ministra Saúde (MS), Odete Maria Freitas Belo hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, segunda (12/07).

Tanba ida ne'e, kontribui ba nasaun Timor-Leste, kuandu monu ba situasaun sira ne'ebé sidadaun sira la espera.

“Ita labele espera situasaun ne'ebé la di'ak, ita sempre optimizmu katak situasaun aat sei la akontese iha ita-nia rai, ho ita hothotu nia kooperasaun,ita hothotu nia kontribuisaun ba rai ida ne'e atu labele mate, atu labele moras, labele lori ita ba toba iha ospital ne'ebé mak sei fraku tebetebes”, afirma nia. (*)

Tempotimor (Dili)-Ministra Saúde (MS), Odete Maria Freitas Belo hatete, preparasaun ba Variante foun Corona-Delta mak tenke tau atensaun ba fronteira atu ema labele tama ilegal nomós Portu ho aeroportu.

Tempotimor (Dili)-Ministra Saude (MS), Odete Maria Freitas Belo, husu ba funsionáriu públiku (FP) tenke agradese no orgullu hetan servisu iha administrasaun públiku, tanba timoroan barak hakarak servi maibé la hetan oportunidade.

Tanba ne'e, husu funsionáriu Públiku ne’ebé oras ne'e hetan ona oportunidade, tenke orgullu nafatin, hodi hola partisipasaun máximu iha komemorasaun loron nasionál Komisaun Funsaun Públika (KFP) ne’ebé sei realiza ba dala-hitu iha Timor-Leste.

"Ha’u hakarak atu dehan ita orgullu sai funsionáriu públiku, ema barak hakarak sai funsionáriu públiku maibé la hetan. Se ita iha oportunidade sai hanesan FP, loron KFP nian ne'e ita tenke mai, halo festa netik”, hatete Odete hafoin partisipa atividade Marsa Saudável iha Largo Lesidere, sábadu (10/07).

Komemorasaun loron nasionál ne'e la halo festa, tanba nasaun hothotu inklui Timor-Leste dadaun enfrenta hela situasaun kalamidade pandemia covid-19.

Maibé la taka dalan mós ba Komisaun Funsaun Públika no funsionáriu públiku tomak atu komemora loron inportante ida ne'e, liuhusi atividade hanesan la'o ain hodi bele fó saudável ba sira-nia an. (*)

Tempotimor (Díli)-Ministra Saúde (MS), Odete Maria Freitas Belo, informa projetu hamutuk 44 ba Primeiru Ministru (PM), Taur Matan Ruak.

Tempotimor (Dili)-Ministra Saúde (MS), Odete Maria Freitas Belo husu mídia sira atu labele públika informasaun kona-ba Hilária de Jesus (73) no Armando da Costa ne’ebé mate hafoin simu vasina, tanba seidauk iha informasaun klaru.

Tempotimor (Díli)-Primeiru Ministru (PM), Taur Matan Ruak, orienta ona Ministra Saúde (MS), Odete Maria Freitas Belo, hodi buka kle'an motivu matebian Hilaria de Jesus ne'ebé hakotu hafoin mstebian Vasina AstraZeneca iha Munisípiu Bobonaru, Postu Bobonaru Suku Lour Aldeia Olo-Olo, kuarta (30/06).

Tempotimor (Dili)-Ministra Saúde (MS), Odete Maria Freitas Belo deklara, nia parte seidauk iha informasaun kona-ba vasina AstraZeneca hamate idozu 1 iha Munisípiu Bobonaro.

“Seidauk iha informasaun, ha'u dehan hanesan ne'e”, dehan Ministra Odete hafoin reuniaun Konsellu Ministru iha palásiu governu, kinta (01/07).

Maibé, tuir informasaun ne’ebé espalla iha públiku liuliu mídia sosiál hatudu matebian Hilária de Jesus (73) hakotu ona iis, hafoin simu vasina AstraZeneca iha Suku Lour, Postu Administrativu Bobonaro, Munisípiu Bobonaro, kuarta (30/06/21).

Maske Ministra hatene preokupasaun públiku, maibé nia seidauk iha informasaun klaru kona-ba kazu refere nune'e nia labele fó informasaun falsu.

“Fó saida ba ita-boot, hakarak informasaun falsu fó ba ita la bele, ita la bele obriga lai, husik ha'u hetan informasaun klaru ha'u fó ba ita-boot sira”, afirma Odete.

Dadaun ne'e ekipa saúde halo hela investigasaun ba kazu vasina iha munisípiu Bobonaro.

Matebian ne'e husi aldeia Olo-Olo, Suku Lour, Postu Administrativu Bobonaro, Munisípiu Bobonaro.(*)

Tempotimor (Dili)-Ministra Saúde (MS), Odete Maria Freitas Belo hatete, governu nasaun Federal Austrália sei kontinua apoiu vasina pursentu 80 (80%) ba Timor-Leste hodi bele fasilita sidadaun tuir vasina.
"Ita ko'alia liliu kona-ba pursentu 80 (80%) oinsá mak atu hetan iha kompromisu husi governu Austrália nian ne'ebé mak kompremete atu apoiu Vasina ba 80% ba ita-nia populasaun 80% orsamentu la fó diretamente ba ita maibé liu husi akordu ida entre Austrália UNICEF”, dehan MS Odete Maria Freitas Belo iha Palacio do Governo Kuarta
Tanba ne’e, UNICEF mak halo prosesu atu tama iha nia komunidade 80% ne'ebé mak sei hein hela Vasina refere.
Apoiu ne'ebé Austrália fó osan montante millaun AU$8.1, kuaze millaun US$6.1 hodi sosa vasina.
"Kompras Vasina ida ne'e nia folin sei halo hela negosiasaun ho fábrika sira mak bele haree nia foli ne'e hahú husi dólar 2 to'o dólar 20 ba kada doze ou Imunizasuan, oito até 20 dolláres ita mós sira ho kustu operasionál sira”, esplika nia.
Entaun Vasina ne'ebé mak atu hetan porvolta 200.000 doze to'o 600.000 doze entaun halo nia média ida hetan de'it 300.000 ka 400.000 doze.
Nune'e Ministériu Saúde oras ne'e aloka hela ba nasuan Xina, husi orsamentu fundu Covid-19 nian hamutuk millaun 16 iha ne'ebá uza Millaun 13 hodi kompara Vasina.
Iha millaun 4 resin prepara atu transporta Vasina bainhira sosa mesak nomós kustu operasionál sira seluk ne’ebé presiza atu trata. (*)

Tempotimor (Dili)-Ministra Saúde (MS), Odete Maria Freitas Belo, konsidera laiha problema ba vasina AstraZeneca, tanba Organizasaun Mundiál Saúde (OMS) la ko'alia risku kona-ba vasina refere, maibé fó sai ninia impaktu pozitivu ne’ebé hasa’e imunidade sidadaun.

Tempotimor (Dili)-Ministra Saúde (MS), Odete Maria Freitas Belo hatete, durante kampaña vasinasaun iha Timor-Leste (TL) Ministériu Saúde (MS) hasoru problema no dezafiu kona-ba rekursu umanu no transporte ne’ebé limitadu.