Tempotimor (Díli)-Ministru Prezidensia Konsellu Ministru (MPKM), Fidelis Leite Magalhães hatete, Governu sei hein Prezidente Repúblika (PR), Francisco Guterres 'Lú Olo', atu promulga dekretu lei ba kriasaun kompensasaun vítima ba vasinasaun.

Tempotimor (Díli)-Ministra Saúde (MS), Odete Maria Freitas Belo, ekipa ministériu saúde kontinua halo teste swab ba sidadaun ne'ebé simu Vasina dalarua bainhira halo kontaktu direta ho pasiénte Covid-19.

Tempotimor (Díli)-Ministra Saúde (MS), Odete Maria Freitas Belo hatete, nia parte seidauk haree dokumentu kompensasaun sidadaun ne'ebé sai vítima ba vasina, tanba seiduak iha aprovasaun no públika iha jornál repúblika.

Tempotimor (Dili)-Congresso Nacionál de Reconstrução de Timor (CNRT) ejize Primeiru Ministru (PM), Taur Matan Ruak no Ministra Saúde (MS), Odete Maria Freitas Belo, tenke rejigna-an, tanba konsidera lori vasina invalidu ba komunidade iha Hospital Nasionál Guido Valadares (HNGV) husi loron 10 to’o 15 fulan-juñu.

Tempotimor (Dili)-Governu liuhusi Ministériu Saúde (MS) dadaun ne'e halo diskusaun ho parseiru dezenvolvimentu sira kona-ba planu estratéjia Nasionál saúde nutrisaun ba tinan 2021 to'o 2025.

Tempotimor (Dili)-Ministra Saúde (MS), Odete Maria Freitas Belo, rekoiñese la destaka ekipa médiku sira iha pontu entrada hodi dezinfekta ba ema transporte sira ne'ebé tama sai kapitál Dili, tanba durante ne'e okupadu liu ba programa nasionál vasinasaun kontra Covid-19 nian.

“Hanesan ohin ha'u dehan katak, ho fronteira ne'ebé mak taka, ho kazu ne'ebé mak ita haree, prontu atubele tun, e depois ami mós foka liuba servisu iha vasinasaun nian, ha'u la'ós ko’alia dehan loos duni ka la’e, maibé bele mós sira fó atensaun ba servisu ou programa vasinasaun nian e aumezmu tempu karik ho mós rekursu umanu ne'ebé mak ita iha, sira balu tau matan mós ba, hanesan horisehik ami ba Suai, sira balu ba hala’o servisu ou tau matan ba ita-nia sidadaun sira ne'ebé tama husi fronteira ne'ebé halo hela iha kaurentena Suai nian”, dehan Odete iha Sentru Konvensaun Dili, sesta (23/07).

Tanba akompaña liuhusi média katak, deputadu sira iha Parlamentu Nasionál levanta duni kestaun ne’e iha plenária dehan médiku sira la servisu hamutuk ho Polísia Nasionbál Timor-Leste (PNTL) iha pontu-entrada sira.

“Agora, kona-ba kestaun ne'ebé mak ohin ita-boot sira leventa, ha'u haree iha parlamentu nasionál mós levanta, asuntu, katak ita-nia seguransa sira ne'ebé mak servisu iha fronteira iha, maibé iha pesoál saúde laiha ne'ebá”, haktenik nia.

Maibé variante Corona-Delta ne'ebé tama tan ona iha Timor-Leste ne'e, Ministériu Saúde sei buka esforsu hodi halo jestaun ba servisu sira iha ministériu nian, atu asegura populasaun sira bele livre husi vírus foun ne'e.

“Mais ha'u espera katak ho variante foun ne'ebé mak iha, ohin ami ko’alia ona atubele haree filafali ba jestaun sira uluk ne'ebé ita halo, haforsa ita-nia fronteira, jestaun iha rai laran, iha kuarentena, iha izolamentu, atubele asegura katak moras ne'e labele aas liu, e labele afeta ita, lori ita ba situasaun ne'ebé mak pior liu, e ita lakohi espera”, hatete nia.

Entretantu, iha loron kinta (22/07), Segundu Komandante PNTL Munisípiu Dili, Superintendente Polísia, João Sancho Pires, kestiona kona-ba invizibilidade (la prezensa) médiku sira-nian iha pontu entra Metinaru, Tasitolu ho Kasfar, no husik polísia mesak mak halo servisu dobru.

“Ita laiha saúde ida ne'ebé mak iha ne'ebá. Iha lei ne'e dehan katak, qualquer karreta sé de'it atu tama, tenke dezinfekta ne'e, saúde mak halo dezinfekta buat ne'e hela, ne'e lei mak ko’alia hela. Maibé, durante ne'e polísia mak halo servisu hela iha terrenu, laiha saúde ida iha ne'ebá. Sira ne'ebé voluntáriu balu mak servisu hamutuk ho PNTL servisu iha ne'ebá, maibé laiha saúde”, dehan nia. (*)

Tempotimor (Dili)-Ministra Saúde (MS), Odete Maria Freitas Belo, deklara ofisialmente Variante Delta Covid-19 da'et ona ema na'in 4 Timor-Leste (TL).

"Aproveita Komunikadu Imprénsa ohin, atu informa ba públiku katak, rezultadu sekuensiasaun genómika husi amostra 300 ne’ebé Laboratóriu Nasional Saúde haruka iha dia 14 de Jullu de 2021 ba Peter’s Doherti Institute iha Melbourne, Australia, ho pedidu atu halo tes urjenti ba amostra balun, hadutu katak, amostra husi ema na'in 4 ne’ebé tama husi Indonézia iha dia 26 de Juñu ho dia 8 de Jullu, iha lineajen B.1.617.2 (Delta), variante ne’ebé preokupante, ka ‘’variant of concern’’,informa Ministra Odete, liuhusi Konferénsia Imprénsa iha Centro Convenções de Dili, sesta (23/07).

Maibé, sira na'in 4 ne’e iha hotu ona fatin kuarentena no izolamentu, 1 negativu ona, no fila ona ba uma, na'in 3 sei nafatin sei iha izolamentu.

Maske nune'e, to’o oras ne'e seidauk iha evidénsia katak Variante Delta ne’e, hada’et ona iha komunidade.

Tanba ne'e, atu evita moras ne'e husi TL, husu ba populasaun sira hotu atu partisipa iha programasaun nasional vasinasaun Covid-19.(*)

Tempotimor (Dili)-Governu liuhusi Konsellu Ministru (KM) halo ona aprovasaun ba projetu lei kona-ba muda estratéjia vasinasaun ba komunidade sira, liuhusi destaka membru governu ida ba kada munisípiu hodi esplika vantajen husi vasina iha luta kombate Surtu Covid-19.

Tempotimor (Díli)-Ministra Saúde (MS), Odete Maria Freitas Belo, sente triste mídia balun publika notísia kona-ba sidadaun ne’ebé simu ona vasina dalarua bainhira sai husi serka sanitária kontinua teste swab.

Tempotimor (Díli)-Ministra Saúde (MS), Odete Maria Freitas Belo deklara, Timor-Leste (TL) konsege rejista variante Corona-Delta iha fulan-abril tinan 2021, maibé fatin ne’e laiha ona.