Login to your account

Username *
Password *
Remember Me

Simu Vasina Invalidu, CNRT Ejize PM Taur ho MS Rejigna-An

Primeiru Ministru (PM), Taur Matan Ruak no Ministra Saúde (MS), Odete Maria Freitas Belo. Primeiru Ministru (PM), Taur Matan Ruak no Ministra Saúde (MS), Odete Maria Freitas Belo. Foto Tempo Timor

Tempotimor (Dili)-Congresso Nacionál de Reconstrução de Timor (CNRT) ejize Primeiru Ministru (PM), Taur Matan Ruak no Ministra Saúde (MS), Odete Maria Freitas Belo, tenke rejigna-an, tanba konsidera lori vasina invalidu ba komunidade iha Hospital Nasionál Guido Valadares (HNGV) husi loron 10 to’o 15 fulan-juñu.

“Primeiru Ministru rejigna-an e Ministra Saude mós rejigna-an, labele ejiste nafatin ba erru boot ne'ebé mak iha, tanba ne'e erru boot ne'ebé hasoru diretu povu Timor-Leste”, deklara deputada CNRT, Maria ‘Gorumali’ Baretodehan, iha salaun JL Vila Fatuhada, kinta (12/08).

Tanba erru boot ida ne'ebé mak Governu halo, liuhusi Ministériu Saúde, wainhira Vasina AstraZeneca nia konjeladu ladi’ak ona, maibé saúde oferese nafatin  ba komunidade hanesan erru ida no failansu ne'e boot teb-tebes.

Buat hirak ne'e, tanba Ministériu Saúde laiha kontrolu ba fasilidade sira ne'e, laiha kontrolu ba ai-moruk ne'ebé mak tama mai iha Timor-Leste.

Dadauk situasaun ne'ebé Timor-Leste enfrenta, ema hotu tau atensaun no prioridade liuba asuntu vasina iha Timor-Leste liliu ba vasina AstraZeneca no Sinovac.

"Ate que vasina AstraZeneca konjeladu nomós espaire tiha, mak sira oferese nafatin ba komunidade ne'e erru boot ida ne'ebe mak Governu halo hasoru nia povu. Tanba ne'e Primeiru Ministru (PM) Taur Matan Ruak foti medida ne'ebé mak sériu, e di'ak liu Primeiru Ministru mós rejigna-aan”, dehan nia.

Deputada bankada FRETILIN, Elena Martins hatete, laiha má jestaun ne'ebé akontese no presiza foti desizaun liuhusi prosedimentu legál hanesan halo avaliasaun inklui investigasaun.

“Tuir ha’u hanoin, la'ós tanba má jestaun iha ne'eba, mak ita tenke rekore kedas ba rejignasaun ne'e ba Ministériu relavante, ninia iha prosesu ne'ebé ka prosedimentu ne'ebe la'o, bele halo avalaiasaun no investigasaun”, dehan nia.

Tanba kazu ne'e la'ós ministériu saúde de'it mak responsabiliza maibé mós Ministeriu Obras Públiku (MOP) tanba liga ba kestaun eletrisidade.

“Tanba nia mós horibairuak ko’alia ona plenária, karik ida ne'e iha efeitu ninia implika ne'e mai husi eletrisidade”, afirma nia. (*)

Rate this item
(1 Vote)
Last modified on Friday, 13 August 2021 11:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter