Tanba ne'e Governu seidauk bele implementa Dekretu-Lei kona-ba Kriasaun kompensasaun ba kazu mate ka inkapasidade ne’ebé bele akontese nu’udar rezulta ho vasina kontra Covid-19.

"Ne'e mak ha'u dehan ba promulgasaun tanba seidauk promulga haruka ba tiha ona, seidauk iha pronunsia, maibé bainhira sei iha promulgasaun nia iha efeitu ona tama nia mós atribui kria espetativa lejítima no kria mós direitu sira ba futuru ne'ebé iha hotu sei hein promulgasaun lei ne'e", dehan Fidelis Leite

Ministru Saúde (MS), Odete Maria Freitas Belo hatete, hahú husi loron 7 to'o ohin loron sidadaun hamutuk 46 mak hato'o ona keixa kona-ba imosktu negativu no hetan sofre hafoin simu vasinasaun.

"Ba ha'u, ha'u seidauk haree dokumentu ida maibé kuandu dokumentu ne'e públika ita hothotu iha informasaun tanba normalmente dokumentu hanesan ne'e públika iha jornál Repúblika ne'ebé ema hotu asesu", dehan Ministru Odete.

Bainhira públika ona iha Jornál Repúblika, kompensasaun kona-ba atividade Covid-19 nian Ministériu Saúde prontu ezekuta.

Iha Dekretu-Lei ne’e define katak iha kazu inkapasidade ki’ik liu 30% ne’ebé provoka husi vasina kontra Covid-19 sei simu kompensasaun ida ho valór dolar amerikanu rihun-ida, karik inkapasidade ne’ebé iha entre 30% no 70% sei simu valór dolar amerikanu 2,100 no iha kazu vasina provoka inkapasidade boot liu 70% sei simu dolar amerikanu rihun-7. (*)