Tanba Diresaun Nasionál Kuarentena Biosiguransa no Autoridade Inspesaun no Fiskalizasaun ba Atividade Ekonómika Sanitária no Alimentar (AIFAESA) hodi hasa'e kualidade servisu ne’ebé durante nee hala’o.
Ministru Turizmu Komersiál Industria (MTKI), José Lucas do Carmo da Silva hatete, diresaun nasionál peskiza iha inisiativa ida konvida enkontru atu halo diskusaun ho entidade hothotu ne'ebé serbisu iha asuntu kontrola kualidade hodi ko'alia kona-ba hahán bázika sira.
"Bolu hothotu mai iha ne'e atu aprezenta idaidak nia papel e segundu atu haree tok husi prátika sira ne'ebé halo funsaun kontrolu karik iha parte ruma ne'ebé atu halo melloramentu, ida ne'e presiza rekomendasaun ruma atu haree oinsá parte ida ne'ebé mak atu halo melloramentu", dehan nia iha Ministériu Turizmu Farol, kinta (26/08).
Hakarak haree husi entidade hothotu nia papel servisu ba kontrolu másimu ona ka sei iha espasu ruma ne'ebé mak sei fó nafatin nasaun seluk hatama ai-hán la saudável mai Timor-Leste.
"Ida ne'e mak ohin ita buka oinsá lakunas ne'ebé sira halo rekomendasaun ba Ministériu", hatete nia.
Enkuantu Ministériu iha laboratóriu nasionál maibé la bele halo multifunsaun ba hothotu tanba kada instituisaun ida iha ninia kritéria ba laboratóriu tanba ne'e Ministériu entende didi’ak katak seidauk iha laboratóriu.
Prezidente Institutu Kualidade Timor-Leste (IKTL), Alexandre Pires hatete, ko'alia kona-ba kualidade durante iha Timor-Leste ko'alia ho matan de'it tanba kualidade ne'e depende ba nasaun seluk.
"Ate adata pais Timor-Leste rasik seidauk iha estandar nia kualudade no ita haree kada nasaun idaidak iha nia estandarrizasaun ba nia kualidade no ita sei depende ba iha ne'ebá", dehan nia.
Prosesu prosedimemtu kontrolu ne'e, la'ós kontrolu iha merkadu, maibé direta ba fábrika ne'ebé mak atu importa produtu mai iha Timor-Leste.
"Ami haree ba situasaun ne'e tanba prioridade afeita ba ita-nia vida umana nian, bainhira kualkuer produtu ne'ebé mak konsume afeita ba ita-nia vida humana ne'ebé mak fó risku ba ema", esplika nia. (*)