Haree ba informasaun balun fó sai husi mídia katak, ema ne'ebé simu vasina AstraZaneca ne'e tenke ho idade 60 ba leten, maibé seidauk iha deklarasaun husi OMS.

“Ezemplu hanesan ita iha Timor-Leste laiha vasina ida, se OMS la ko'alia kona-ba risku nian, ne'e ha'u hanoin laiha problema”,deklara Odete iha Ministériu Solidaridade Sosiál no Inkluzaun (MSSI), kaikoli, segunda (21/06).

Tanba nasaun sira seluk mós administra hela vasina ida idade 18 ba leten, lá'os sira-nia deklarasaun hasai, afirmasaun sira ne'ebé sira hato'o ne'e los, maibé diferente mós implementasaun iha nasaun ida-idak depende ba kondisaun nasaun nian.

“Atu hatete de'it dehan, ita bainhira simu vasina husi Covax fasility ka husi Austrália, husi Sinovac ita adere ba organizasaun mundiál saúde nia informasaun sira no ate agora OMS seidauk ko'alia ba ita dehan idade 60 leten”, afirma Ministra.

Maibé seidauk haree impoin Austrália fó maibé nia koko atu haree filafali.

“Maibé ita mós haree tanba saida mak nasaun sira seluk ne'e mais ho tipu ida de'it tanba ema haree ba vasina ninia disponibilidade, haree mós vasina nia risku no mós ema haree ba nia benefísiu”, dehan nia. (*)