Items filtered by date: Monday, 21 June 2021

Tempotimor (Dili)-Ministru Asuntu Parlamentár no Komunikasaun Sosial (MAPKomS), Francisco Martins Jerónimo husu ba profesór sira atu prepara-an hodi hein informasaun ba vasina.

"Ha’u hanoin Xefe aldeia sira iha kraik hatene ona, hothotu hatene informasaun. Ne'ebé ha'u husu ba profesór sira atu akompaña informasaun sira ne'e, bainhira ba vasina, ne'e ba vasina”, dehan Ministru Francisco Jerónimo iha plenária Parlamentu Nasionál (PN), segunda (21/06).

Husi kazu covid-19 ne'ebé Timor-Leste enfrente mak governu esforsu distribui ona vasinasaun, ne'ebé la'o namanas hela iha teritóriu Timor-Laran tomak, nomós iha Oekusi, iha loron segunda (21/06) hahú simu vasina.

"En-relasaun ho profesór sira, ha’u hanoin deputadu foti kestaun loos, mais ha’u mós husu profesór sira ne'e hela iha ne’ebé, hela iha rai liur ga hela iha Timór. Se iha Timór, ohin loron vasina la'o namanas, sira lahatene fatin ba vasina, ne'e mós preokupadu”, afirma nia.

Tanba, governu mobiliza ona xefe suku no aldeia sira, atu organiza sira-nia populasaun atu simu vasina ba prevensaun covid-19.

Maibé la taka dalan mós ba profesór sira atu partisipa simu vasina iha aldeia no suku sira ne'ebe implementa vasina.

Bele mós hakat ba Universidade Nasional Timor-Lorosa'e (UNTL) no Sekretáriu Estadu, Juventude Desportu (SEJD) tanba dadauk implementa hela vasinasaun sinovac ne’ebé mak espesial ba profesór no dosente inklui ba estudante sira atubele asesu. (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, isidénsia Covid-19 iha Timor-Leste durante semana ida iha nasionál númeru tun maka’as, maibé iha munisípiu Baukau hahú sai fatin risku ba hadaet tutan vírus SARS-CoV-2.

Tempotimor (Dili)-Jogu Taxa Euro iha tinan 2021 ne’ebé partisipa husi nasaun sira iha kontinente Europa, maibé adeptu sira husi nasaun Portugal no Alemaña iha Timor-Leste tuda malu to'o padre sira mak sai vítima, tanba rezulta rezidénsia Padre sira nian iha área Kuluhun, Postu Administrativu Cristo Rei, Munisípiu Dili.

Tempotimor (Dili)-Ministru Asuntu Parlamentár no Komunikasaun Sosial (MAPKomS), Francisco Martins Jerónimo deklara, governu define ona Postu Administrativu Ataúro sei sai munisípiu foun iha fulan-janeiru tinan 2022.

Tempotimor (Dili)-Polisia Nasionál Timor-Leste (PNTL) liuhusi Komandu munisípiu Dili hala’o avaliasaun servisu ba Polísia Tránzitu iha durante ne’e iha públiku. 

Tempotimor (Baukau)-Prezidente Autoridade Munisípiu (PAM) Baukau, Olivio Freitas "Boulesa" hatete, projetu estrada ne’ebé liga Munisípiu Baukau ba Lautein no Vikeké ne'e, Kompaña Xina mak manán hotu, nune'e dadaun konstrusaun kontinua la’o.

Tempotimor (Dili)-Polísia Nasionál Timor-Leste (PNTL) liuhusi komandu munisípiu Dili prende motorizada hamutuk 146, iha jogu kopa Euro nasaun Portugal kontra Alemaña, domingu (20/06).

Tempotimor (Dili)-Governu liuhusi Ministériu Saúde (MS) aloka orsamentu ho montante hamutuk millaun US$16 ba vasinasaun iha Timor-Leste.

Tempotimor (Dili)-Koordenadór Grupu Traballu Tékniku (GTT), Benjamin H. Martins hatete, udan-boot ne’ebé mosu iha kapitál Dili sei hamosu nafatin inundasaun, tanba rai halai lori sedimentu ba mota laran.

Tempotimor (Dili)-Ministra Saúde (MS), Odete Maria Freitas Belo hatete, durante kampaña vasinasaun iha Timor-Leste (TL) Ministériu Saúde (MS) hasoru problema no dezafiu kona-ba rekursu umanu no transporte ne’ebé limitadu.