Husi insidénsia Covid-19 iha Timor-Leste durante loron 7 ikus mak 4,2/100 mil abitantes, enkuantu ba de’it munisípiu Dili 8,5/100 mil abitantes, maske insidénsia nasionál no iha munisípiu Dili reduz maka’as iha    semana ida ikus.   

"Insidénsia iha segunda (22/06) nian hatudu katak, munisípiu Baukau mak agora fatin ho risku boot liu atu populasaun hetan da’et no hada’et tutuan virus SARS-CoV-2, ho taxa insidénsia 12,1/100 mil abitantes no tuir kedas ho munisípiu Dili, hafoin Manatuto", dehan nia liuhusi komunikadu imprensa, segunda (21/06).

Nune'e, Kazu detetatu foun ne’ebé relata iha loron 21 fulan-Juñu 2021 hamutuk 21 (iha Dili 8, iha munisípiu seluk hamutuk 13), mane 14, feto 7, ho idade entre    tinan 12-59 na'in-21 (100%) no 100 % asintomátiku.   

"Kazu rekuperadu ne’ebé ralata 38, kazu ativu 1042, totál kazu konfirmadu kumulativu iha 21 fulan-Juñu 2021 (sura husi 21 Marsu 2020) 8728", hatutan Rui.      

Hahú loron 20 to’o 21 fulanJuñu, hamutuk hotu Laboratóriu Nasionál Saúde halo 315 testes PCR iha Dili, ho    detalla hanesan, Vijilánsia sentinela 4, Rastreiu ba kontaktu (Contact tracing) 5, Rastreiu Aleatóriu    (Random Screening) 51, Viajen sai husi serka sanitária Munisípiu Dili 165, Viajen internasionál 63 no follow up iha kuarentena 6.    

Rezultadu testes PCR ne’ebé halo iha 20 fulan-Juñu iha Munisípiu sira seluk REAOA ho HNGV, hamutuk 187, ho detalla hanesan, Baukau 33, Ermera 0 Maliana 16, Maubisse 20, RAEOA 40, Suai 4, Vikeke 0 no HNGV 74.   

Entretantu, totál doze vasina ne’ebé fó ona ba populasaun, to’o loron 21  fulan-Juñu (tuir sistema informasaun Ministériu Saúde nian), Dili primeira  doze 97,188 (45,5%), segundu doze   9,648 (4,51%)no iha Timor-Leste primeira doze  127,802 (16,9%), segundu doze 17,480 (2,32%), rezultadu doze vasina ne’ebé    fo’o ba    populasaun iha 19 Juñu 2021 iha Dili 1,747 no Timor-Leste 2663. (*)