Governu Define Ataúro Sai Munisípiu Foun iha Tinan 2022

Ministru Asuntu Parlamentár no Komunikasaun Sosial (MAPKomS), Francisco Martins Jerónimo. Ministru Asuntu Parlamentár no Komunikasaun Sosial (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun Sosial (MAPKomS), Francisco Martins Jerónimo deklara, governu define ona Postu Administrativu Ataúro sei sai munisípiu foun iha fulan-janeiru tinan 2022.

Maske, governu seidauk iha transporte ne'ebé adekuadu atu bele halo operasaun ba rezolve prosesu infraestrutura báziku iha Ataúro, tanba iha semana liuba, ró Tranship II Gresik ba atu atraka difísil.

Maibé, iha loron sesta (18/06) Primeiru Ministru (PM), Taur Matan Ruak fó ona instrusaun ba membru governu, liliu empreza Públika rua hanesan Be Timor-Leste,epmreza públika (BTL,ep) no Eletrisidade de Timor-Leste, empreza públika (EDTL,ep) atubele haree rezolve reokupasaun bázika iha Ataúro.

“Tanba iha semana kotuk Ministru Administrasaun Estatal (MAE) akompaña mós primeiru Ministru ba ne'eba, hodi haree tanba atu halo preparasaun Ataúro ba sai Munisípiu, ne'ebe mak iha fulan-janeiru 2022 hahú estabelese nia funsionamentu hanesan Munisípiu”, hatete Ministru Francisco iha plenáriu Parlamentu Nasionál (PN), segunda (21/06).

Tanba ne'e, preparasaun sira ne'e membru governu sira simu ona orientasaun husi Primeiru Ministru atubele hadi’a problema iha faze nune'e to'o iha tempu Ataúro sai Munisípiu, bele rezolve ona.

“Hanoin katak, depois de vizita mai, señor Primeiru Ministru fó instituisaun atubele rezolve problema sira ne'e, husi faze ba faze, atu nune'e bele to'o iha ne'eba buat hotu resolve”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter