Items filtered by date: Thursday, 22 October 2020

Tempotimor (Dili)- Sekretariu Estadu Ambiente (SEA), Deometrio Amaral konsidera juventude sira iha Timor-leste (TL) implementa sentimentu solidariedade ba malu sei 'fraku' ou menus.

Published in Politika

Tempotimor (Díli)- Atu eleva kapasidade membru kooperativa sira nian, iha nível baze, Sekretaria Estadu Kooperativa (SEKoop), liuhosi nia ekipa formadór sira apoiu tan formasaun, durante loron tolu, hahú loron 19 to'o 21 fulan outubru ne'e, ba membru Kooperativa Kréditu Uniaun Naunil, hamutuk ema 116, hodi haforsa servisu kooperativa bele hakat ba oin.

Published in Politika

Tempotimor (Dili)-Deputadu bankada Frente Revolusionáriu Timor-Leste Independente (Fretilin) iha Parlamentu Nasionál (PN) hahú kestiona servisu seguransa sira iha portu, tanba konsidera la asegura sasan sira iha kontentór laran di'ak, nune'e ema balun aproveita atu na'ok.

Published in Politika
Friday, 23 October 2020 07:29

Kompañia Telcomsel, Komprimenta MAPKomS

Tempotimor (Dili)- Diretór ezekutivu kompañia operadora telekomunikasaun Telcomcel, Yogi Rizkian hato'o komprimentu ba Ministru Asuntu Parlamentar no Komunikasun Sosiál (MAPKomS), Francisco Jerónimo liu-husi nia vizita kortezia.

Hafoin remata vizita ba MAPKomS, Ministru Jerónimo hatete, ohin nia parte simu vizita ida husi Kompaña Telokomsel ne'ebé mai atu hato'o komprimentu ba MAPKomS, alende sira fó mos informasaun ba MAPKomS kona-bá koperasaun sira ne'ebé antes ne'e, kompaña Telcomsel halo ho SEKoomS, RTTL, Ajénsia Tatoli inklui mós média sira.

"Sira mai atu komprimenta hau i sira mai atu hatutan tan programa ne'ebe mak uluk Telkomsel halo tiha ona ho SEKoomS, depois RTTL ho Tatoli, iha programa lubuk ida iha koperasaun ida ne'ebé mak halo entre ho entidade sira hotu inklui agora iha ne'e, ne'ebé mai atu hatutan tan ida ne'e "dehan MAPKomS hafoin termina enkontru ho Kompaña Telcomsel iha palasiu governu, kinta (22/10).

Jerónimo mós fiar katak, informasaun kona-bá koperasaun sira ne'ebé kompaña Telocomsel pasa ba MAPKomS, ida ne'e sei kontinua ba oin.

Iha fatin hanesan, Diretór Ezekutivu Telcomcel, Sr. Yogi Rizkian hateten, intensaun husi vizita ne'e atu informa ba MAPKomS kona-ba apoiu ne'ebé Telcomcel oferese ba RTTL-EP no TATOL-IP, hodi utiliza meiu teknolojia hodi fasilita divulgasaun informasaun ba públiku.

Responsavel másimu Telcomcel ne'e afirma, nia parte sei kontinua mantein kooperasaun ne'ebé halo tiha ona ho instituisaun mídia rua ne'e no hein katak, jornalista sira husi RTTL-EP no TATOL-IP bele aproveita teknolojia ne'ebé Telcomcel oferese hodi tranzmite informasaun ba públiku ho lais no fasil. (*)

Published in Politika

Tempotimor (Díli)- Durante Kooperativa Kréditu Uniaun (KKU) Naunil eziste, hahú iha tinan 2011 too 2020, dadaun ne'e, kompleta ona ba tinan sia (9), konsege akomoda ona kapitál finanseira ho montante Dollar Amerikanu Rihun Atus-ida (U$.100 mil) nune'e mos ho nia membru hamutuk ema 116.

Prezidente Kooperativa Kréditu Uniaun (KKU) Naunil, Luis Fernandes informa, ezisténsia kooperativa Naunil, iha tinan 2011 no dadaun ne'e, iha ona membru hamutuk 116 ne'ebé fó ona kréditu lubuk ida, ba nia membru sira no hetan kréditu ne'ebé ho susesu.

"Durante eziste, ami-nia kooperativa ne'e ninia área ne'e ida de'it, ba rai osan no fó osan ba ema foti ka deve i fó fila. Ida ne'e de'it, maibé kada ema ida besik ona $.800 kada membru", hatete Prezidente Kooperativa Kréditu Uniaun (KKU) Naunil, Luis Fernandes ba jornalísta sira, iha Salaun Administrasaun Postu-Administrativu Iliomar, munsípiu Lautem, kinta (22/10).

Nia esplika, sira hanaran Kooperativa Kréditu Uniaun Naunil, tanbá iha Iliomar foho ne'ebé aas liu mak, foho Naunil, tanbá ne'e mak sira iha esperansa boot, hakarak lori sira-nia kooperativa ne'e sai boot no aas, hanesan foho Naunil.

"Ida ne'e mak ami iha filozofia ida katak, iha Iliomar ne'e, foho Naunil ne'e mak aas liu i ami nia mehi mos loron ida kooperativa ninia dezenvolvimentu ne'e sei aas hanesan foho Naunil", nia argumenta.

Published in Lautem
Friday, 23 October 2020 07:16

Servisu ba Povu, SEA Hetan De'it Tokon $3

Tempotimor (Dili)-Makse governu daualu prevé Orsamentu Jerál Estadu (OJE) tinan fiskál 2021 nian hamutuk billaun $1.895, maibé husi orsamentu ne'e Sekretáriu Estadu Ambiente (SEA) hetan de'it besik tokon tolu.

Tuir SEA Demétrio Amaral katak, OJE 2021 nian ba SEA mezmu kiik, maibé sei servisu ho kuidadu ba benefisiu povu nian.

"Osan ba SEA iha 2021 nian besik tokon $3, ne'e sei kiik ba servisu ambiente nian, maibé ita labele haree ba karteira mesak, ita mós presiza haree ba timor, tanba iha prioridade barak," dehan Demétrio iha Salaun Infordepe Balide, Dili, Kinta (22/10).

SEA argumenta, laos atu agresivu liu iha difinisaun orsamentu maibe nafatun servisu ho kuidadu no uza rekursu ne'ebé oituan ba benefisiu povu nian.

Governante ne'e hatutan, alokasaun montante orsamentu SEA nia ba kada item sira sei hato'o bainhira debate iha Parlamentu Nasionál.(*)

Published in Ekonomia
Friday, 23 October 2020 07:08

Sidadaun Kontinua Viola Regras EE Daneen

Tempotimor (Dili)-Maske estadu governu aplika ona médida ne'ebé restritu liu iha fronteira rai hodi hatauk sidadaun sira ne'ebé tama sai ilegál, maibé dadaun ne'e sidadaun sira kontinua tama-sai ho konforme de'it.

Husi aktu sidadaun sira ne'ebé lakohi koopera no hatudu dezrespeitu ba estadu Timor-Leste, maka iha semana ne'e Polísia Nasionál Timor-Leste (PNTL) husi Unidade Patrollamentu Fronteira (UPF) no forsa konjuntu kaptura tan sidadaun na'in 12 iha fronteira rai.

"Iha semana ne'e ita kaptura sidadaun na'in 12 iha fronteira rai, tanba liuhusi dalan ilegál," dehan Komandante Jerál PNTL Komisáriu Faustino da Costa iha Palásiu Prezidensiál bairru-pite, Dili, Kinta (22/10).

Nia mós dehan, sidadaun na'in 12 ne'e sei tama kuarentena, kuandu kumpri ona loron 14 mak, foin kumpri dever ka multa, tanba viola regras estadu emerjénsia daneen nian.

"Husi na'in 12 ne'e, primeiru sira sei kumpri prosesu Ministériu Saúde (MS) nian, depois sira kumpri ona mak sei kontinuasaun ba prosesu administrasaun no sei investiga husi PNTL, depois enkamiña ba Direasaun Jerál Migrasaun ne'ebé tuir diretiva katak, sira aplika multa ba ema ne'ebé tama ilegál," katak Nia.

Entretantu, dadus ne'ebé iha katak, durante aplikasaun estadu emerjénsia ba daneen ne'ebé ho nia regra restritu liután, forsa konjunta iha fronteira rai kaptura ona sidadaun hamutuk na'in 26 ne'ebé iha semana kotuk, forsa sira kaptura uluk sidadaun na'in 14 no semana ne'e kaptura tan na'in 12 iha fronteira rai.(*)

Published in Seguransa Defesa

Tempotimor (Díli)- Prezidente Kooperativa Kréditu Uniaun (KKU) Naunil, Luis Fernandes informa, Governu liuhosi Sekretaria Estadu Kooperativa (SEKoop), fó ona konfiansa ba Kooperativa Kréditu Uniaun (KKU) Naunil, atu bele sai hanesan sentru ida, ba kooperativa hotu-hotu ne'ebé eziste, iha Postu-Administrativu Iliomar, munisípiu Lautem.

"Kooperativa Naunil nia hanoin ba futuru mak, agora dadaun sua-exelénsia Sekretáriu Estadu Kooperativa fó ona fiar atu sai sentru ba kooperativa hotu-hotu, iha postu administrativu Iliomar", hatete Prezidente Kooperativa Kréditu Uniaun (KKU) Naunil, Luis Fernandes ba jornalísta sira, iha Salaun Administrasaun Postu-Administrativu Iliomar, munsípiu Lautem, kinta (22/10).

Nia hatutan, Naunil prontu ona no hein de'it, atu lori ba rejista iha notariadu, atu bele hetan legalidade no dadaun ne'e, sira prontu ona, atu sai sentru ba kooperativa, karik iha kooperativa hosi suku sira, hakarak atu afilia ba sira, iha Kooperativa Naunil.

“Ami hein katak ho ajudus ou kapasitasaun ne'ebé sua-exelénsia Sekretáriu Estadu fó ona, ida ne'e bele haforsa ami, atu nune'e ami-nia atividade kooperativas ne'e bele ba oin", dehan nia.

Tanba ho problema kapasitasaun, SEKoop mos haruka tan ekipa ida, hodi ba fó formasaun ba sira-nia membru nomos ba grupu kooperativa sira ne'ebé eziste, iha Postu-Administrativu Iliomar, bele hasa'e no hadi'a sira-nia jestaun, iha sira-nia kooperativa.

Published in Ekonomia

Tempotimor (Díli)- Sekretaria Estadu Arte no Kultura (SEAK) sempre fó apoiu ba sidadaun sira ne'ebé, fó proposta ka husu apoiu kona-bá Uma-Lisan nian, maibé depende ba verifikasaun.

Tuir Sekretáriu Estadu Arte no Kultura (SEAK), Teófilo Caldas katak, Governu prontu apoiu ba komunidade sira ne'ebé halo Uma-Lisan, maibé apoiu ne'e, atu hakmaan de'it servisu, la'os governu mak apoiu tomak ba konstrusaun Uma-Lisan.

"Iha orsamentu tinan 2019, ami konsege apoiu proposta Uma-Lisan hamutuk 40 resin, iha tinan 2020, ita la'o ho orsamentu rejime duadésimu, ami simu proposta barak hosi komunidade, maibé la konsege fó apoiu", dehan SEAK Teófilo Caldas, hafoin hasoru-malu ho Primeiru-Ministru, Taur Matan Ruak, iha Palásiu Governu, kinta (22/10).

Enkuantu iha Orsamentu Jerál Estadu (OJE) tinan 2020 ne'e, Sekretaria Estadu Arte no Kultura (SEAK) prevé ona, rihun 200, bainhira aprova ona hosi Parlamentu Nasionál no Prezidente Repúblika promulga ona, mak sei fó apoiu ba komunidade sira ne'ebé, hodi halo reabilitasaun, preparasaun no inagurasaun ba uma lulik.

"Agora apoiu ne'e, ninia kriteirus iha, rekezitus atu asesu ba orsamentu ne'ebé Sekretaria Estadu Arte no Kultura prevé, primeiru konstrusaun Uma-Lulik, tenke ho materiál tradisionál, segundu progresu uma lulik atinji ona pursentu hira", tenik Nia

Nia esplika, kontribuisaun ba Uma-Lisan ne'ebé mak komunidade sira halo no tuir sira-nia hakarak, Mais ou menus konstrusaun ne'e, atinji ona pursentu 20 ou 50, mak Governu foin bele apoiu tan, hodi halo kmaan de'it servisu, la'ós Governu mak halo fali Uma ba komunidade.

"Uma-Lulik ne'e, Governu iha dever morál tenke apoia, tanbá Uma-Lulik mos primeiru sentru kulturál, hodi halibur jerasaun ba jerasaun, segundu hanesan muzeu tradisionál, hodi konserva eransa kulturál ne'ebé Bei-ala sira husik hela mai ita, terseiru Uma-Lulik mos hanesan fatin turizmu kulturál ne'ebé, bele atrai turista sira, atu bá vizita", Nia dehan

Tuir Nia, bainhira turista sira bá vizita Uma-Lisan, sei hasa'e rendimentu, tanbá sira bele sosa produtu lokatl ne'ebé família sira prepara hela.

Entretantu, molok Governu atu fó apoiu ba komunidade sira ne'ebé hato'o ona proposta, kona-bá konstrusaun Uma-Lisan ne'e, iha ekipa ida hosi Sekretaria Estadu Arte no Kultura (SEAK) nian, sei tun ba halo verifikasaun, molok atu aprova ou fó apoiu ba konstrusaun refere.(*)

Published in Edukasaun & Kultura

Tempotimor (Dili) - Tuir Sekretariu Estadu Ambiente (SEA) katak, kada tinan iha rai laran, baihira tempu udan, sempre mosu dezastre naturais hanesan inundasaun, tanba kauza husi komunidade ne'ebé la iha responsablidade ba nia an, hodi soe lixu arbiru.

Published in Politika
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter