SEKoop Eleva Koñesimentu Membru Kooperativa Rai-Foti Osan, Eis-Administradór Agradese

Eis administradór postu administrativu Iliomar, Abílio Quintăo Pinto,  hato'o hela nia diskursu abertura ba semináriu ho tema Dezenvolve Ekonómia Iha Kooperativa", iha salaun postu administrativu Iliomar, kinta (22/10). Eis administradór postu administrativu Iliomar, Abílio Quintăo Pinto, hato'o hela nia diskursu abertura ba semináriu ho tema Dezenvolve Ekonómia Iha Kooperativa", iha salaun postu administrativu Iliomar, kinta (22/10). Foto Tempo Timor

Tempotimor (Díli)- Atu eleva kapasidade membru kooperativa sira nian, iha nível baze, Sekretaria Estadu Kooperativa (SEKoop), liuhosi nia ekipa formadór sira apoiu tan formasaun, durante loron tolu, hahú loron 19 to'o 21 fulan outubru ne'e, ba membru Kooperativa Kréditu Uniaun Naunil, hamutuk ema 116, hodi haforsa servisu kooperativa bele hakat ba oin.

Ho formasaun ne'e, Eis-Administradór Postu-Administrativu Iliomar, Abílio Quintão Pinto, lori povu Iliomar tomak nia naran, hato'o agradesimentu ba SEKoop, tanbá apoia ona formasaun ba membru kooperativa sira, hodi bele hasa'e sira koñesimentu, atu kontinua dezenvolve sira-nia atividade kooperativa, bele avansa ba oin.

Abílio hato'o deklarasaun ne'e, bainhira reprezenta Administradór Postu-Administrativu Iliomar, hodi halo abertura ba semináriu ho tema, "Dezenvolve Ekonomia Lokál Iha Kooperativa", iha salaun Administrasaun Postu-Administrativu Iliomar, Munisípiu Lautém.

"Uluk nana'in obrigadu barak ba Sekretáriu Estadu Kooperativa nian, ne'ebé iha inísiu fihir ona hanesan alvu ida, kooperativa tenke moris iha Iliomar. Ida ne'e mak hanoin ami nia situasaun real, iha ne'e, dala ida tan, ba sua-exelénsia nia atensaun, ami agradese tebes, ami nia kondisoens mak ne'e, oinsá ita bele hamutuk, ita bele haburas ita-nia kooperativa ne'e", hatete Eis-Administradór Postu-Administrativu Iliomar, Abílio Quintăo Pinto, ba jornalísta sira, iha Postu-Administrativu Iliomar, kinta (22/10).

Tuir nia, bainhira kooperativa ne'e buras, automatikamente ema mos bele buras, tanbá kooperativa sai xave ba ekonomia, liu-liu atu Estadu bele investe.

"As vezes osan mai tiha, mais nain ida-rua de'it mak hatene, maibé sé mak membru mos la hatene, sé mak atu empresta (pinjam) mos la hatene, atu rai (simpang) iha ne'ebé mos la hatene", dehan nia.

Ho menus koñesimentu hosi membru kooperativa nian, kona-bá empresta no rai osan, Eis-Administradór konsidera, ida ne'e sai problema boot ba sira, tanbá ne'e, tuir Autoridade ne'e katak, liu hosi semináriu bele aumenta sira-nia koñesimentu iha setór kooperativa nian.

"Tanba ne'e, ohin ba oin, ami iha garantia katak, ita hamutuk bele hadi'a situasaun ida ne'e", dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks