Tuir Nia, sosiedade iha Timor-leste, ohin loron balun hetan hetan dezastre iha estrada públiku, balun la'os ajuda, maibé sira hasai fali foto ou selfi.

Tanba ne'e, nia dehan, Timor-Leste presiza iha sosiedade ne'ebé responsabilidade hodi partisipa iha koperasaun, iha solidariedade ne'ebé metin, inklui iha prinsipiu tulun bainhira hetan ema ruma moras ka dezastre iha estrada publiku.

"Ita iha tendensiu dezastre ruma iha estrada la ajuda ema moras iha strada, ema ba selfie fali ba ema moras ne'e, ne'e sosiedade ida moras, purtantu ita hakarak atu juventude sira iha responsabilidade ba partisipasaun, koperasaun, solidaridade ida metin," dehan Deometrio iha Salaun Infordepe Balide Dili, Kinta (23/10).

Nune'e, SEA rasik halo formasaun ba juventude ne'ebé hamahan ona iha organizasaun, Brigada voluntariu ambiennte ne'ebé estabelese ona atu prepara jovens sira iha kuinesementu baziku kona-ba konseitu, objetivu, benefisiu bainhira mosu dezastre sosial, dezastre naturais hanesan inundasaun, insediu, no Thusnami.

Entertantu, brigadista ambiental rasik kompostu husi estudantes universitáriu inklui movimentu sira ne'ebé, hetan treinamentu husi treinador diretor exekutivu Permatil, Ego Lemos no SEA rasik, Deometrio Amaral. (*)